Ўзбекистон Республикасини янада ривожлантириш бўйича Ҳаракатлар стратегияси тўғрисида

Кўчмас мулк олди-сотди шартномаси ваколатли шахс томонидан имзоланмаган бўлса, у суд томонидан ҳақиқий эмас деб топилишига сабаб бўлади.


Низонинг моҳияти
Акциядорлик жамияти (бундан буён матнда – даъвогар деб юритилади), фермер хўжалиги ва масъулияти чекланган жамияти (бундан буён матнда – жавобгарлар деб юритилади) ўртасида кўчмас мулк олди-сотди шартномаси тузилган.
Шартнома шартларига кўра, даъвогарга мулк ҳуқуқи асосида тегишли бўлган 10 347,0 м² ер майдонида жойлашган, шундан қурилиш ости майдони 1 123,12 м², умумий фойдаланиш майдони 963,53 м², жами 6 хонадан иборат товуқхона биносини фермер хўжалигига 81 000 000 сўмга сотиш белгиланган.
Ушбу шартнома даъвогар бош директори вазифасини вақтинча бажарувчи Н.У. томонидан имзоланган. Жиноят ишлари бўйича суднинг хукмига кўра, Н.У. 1 йил муддатга муайян ҳуқуқдан, яъни мансабдорлик ва моддий жавобгарлик вазифалари юклатилган лавозимларда ишлаш ҳуқуқидан маҳрум қилинган. Бунга асосан, даъвогар жамият кузатув кенгашининг қарорига кўра, бош директор вазифасини бажарувчиси Н.У. эгаллаб турган лавозимидан озод этилган.
Н.У. даъвогар раҳбари вазифасини вақтинча бажарувчи ҳисобланмаса-да, унинг иштирокида умумий йиғилиш ўтказилган ва йиғилиш баённомаси ҳамда кўчмас мулкни сотиш тўғрисидаги шартномасига даъвогар раҳбари сифатида имзо қўйган.
Шу сабабли даъвогар иқтисодий судга даъво аризаси билан мурожаат қилиб, тарафлар ўртасида тузилган кўчмас мулк олди-сотди шартномасини ҳақиқий эмас деб топишни сўраган.


Даъвогарнинг важлари
Тарафлар ўртасида тузилган кўчмас мулк олди-сотди шартномаси шартларига кўра, даъвогарга мулк ҳуқуқи асосида тегишли бўлган 10 347,0 м² ер майдонида жойлашган, шундан қурилиш ости майдони 1 123,12 м², умумий фойдаланиш майдони 963,53 м², жами 6 хонадан иборат товуқхона биносини фермер хўжалигига 81 000 000 сўмга сотиш белгиланган.
Мазкур шартнома даъвогар ташкилотининг раҳбари ваколатига эга бўлмаган шахс томонидан имзоланган. Вахоланки, жамият акциядорлари кузатув кенгашининг қарорига кўра, бош директор вазифасини бажарувчиси Н.У. эгаллаб турган лавозимидан озод этилган.
Бунга кўра, тарафлар ўртасида тузилган кўчмас мулк олди-сотди шартномаси ноқонуний тузилган.
Шу асосда тарафлар ўртасида тузилган кўчмас мулк олди-сотди шартномасини ҳақиқий эмас деб топиш лозим бўлади, деб ҳисоблаган.