Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Хусусий фирма (бундан буён матнда – даъвогар деб юритилади) ва банк муассасаси (бундан буён матнда – жавобгар деб юритилади) ўртасида банк ҳисобварағи шартномаси тузилган. Шартнома шартларига кўра, банк муассасаси даъвогарга банк хизматларини ўрнатилган тартибга риоя қилган ҳолда кўрсатиши, даъвогар эса кўрсатиладиган хизматлар учун тўловларни амалга ошириб бориши лозим бўлган.
Мазкур шартнома шартларига кўра, даъвогар томонидан банк муассасасига тегишли тўлов топшириқномасига асосан 200 000 сўм пул маблағини ўзининг ҳисоб-рақамидан электр энергияси учун кўчириб беришни сўраган.
Тўлов топшириқномаси банк муассасаси томонидан ижро учун қабул қилиб олинган бўлса-да, унинг ижроси орадан 8 кун ўтганидан кейин таъминланган. Бу билан банк муассасаси тарафлар ўртасида тузилган банк ҳисобварағи шартномаси шартларини қўпол равишда бузган.
Шу асосда даъвогар судга даъво аризаси билан мурожаат қилиб, жавобгардан 9 775 400 сўм жарима ундиришни сўраган.


Даъвогарнинг важлари
Тарафлар ўртасида тузилган банк ҳисобварағи шартномаси шартларига кўра, банк муассасаси даъвогарга банк хизматларини ўрнатилган тартибга риоя қилган ҳолда кўрсатиши, даъвогар эса кўрсатиладиган хизматлар учун тўловларни амалга ошириб бориши лозим бўлган.
Мазкур шартнома шартларига кўра, даъвогар томонидан банк муассасасига 200 000 сўм пул маблағини ўзининг ҳисоб-рақамидан электр энергияси учун кўчириб бериш ҳақидаги тегишли тўлов топшириқномаси тақдим этилган бўлса-да, банк муассасаси бу топшириқ ижросини 8 кун ўтгандан кейин таъминлаган.
Шунинг учун жавобгардан 9 775 400 сўм жарима ундириш лозим бўлади, деб ҳисоблаган.


Жавобгарнинг важлари
Жавобгар вакили тарафлар ўртасида тузилган банк ҳисобварағи шартномаси шартлари жавобгар томонидан тўлиқ бажарилганлиги, яъни мижоз томонидан тўлов топшириқномаси электрон шаклда берилганлиги, унда хатолар мавжуд бўлганлиги сабабли қайтарилганлигини, кейинчалик, яъни хатолар бартараф этилгандан сўнг тўлов амалга оширилганлигини таъкидланган.
Қайд этилганларга кўра, даъвогарнинг даъво талабини қаноатлантириш рад рад этилиши лозим, деб ҳисоблаган.