Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Фермер хўжалиги (бундан буён матнда даъвогар деб юритилади) ҳамда банк (бундан буён матнда жавобгар деб юритилади) ўртасида 2012 йил 1 декабрда 18-сонли банк ҳисобварағи шартномаси тузилган. Мазкур шартноманинг шартларига кўра жавобгар даъвогарнинг топшириғига асосан ҳисоб-китоб ва касса хизматларини кўрсатиб, барча ҳисоб-китоб ва касса амалиётларини ҳамда ҳисоб рақамга келиб тушган пул маблағларини тегишли тўлов ҳужжатига асосан жавобгарга келиб тушган куннинг ўзида ёки кейинги иш кунидан кечиктирмай даъвогарнинг ҳисобварағига киритиб бориш, даъвогар эса жавобгарнинг хизматлари учун хизмат ҳақи тўлаш мажбуриятини олган.
Жавобгар томонидан 7 та ҳолатда тўлов ҳужжатисиз даъвогарнинг ҳисобварағидан 15 100 033 сўм пул маблағи ҳисобдан чиқарилган, пахта ва ғалла имтиёзли кредитлари учун жами 4 760 699 сўм ортиқча кредит фоизлари ундириб олинган деб ҳи соблаб, Ўзбекистон фермер, деҳқон хўжаликлари ва томорқа ер эгалари кенгаши даъвогар манфатида жавобгарга нисбатан судга мурожаат қилиб, тўлов ҳужжатисиз ҳисобдан чиқарилган 15 100 033 сўм, пахта ва ғалла имтиёзли кредитлари учун ортиқча ундириб олинган 4 760 699 сўм ҳамда тўлов ҳужжатисиз пул маблағларини ҳисобдан чиқарилганлиги учун 200 165 965 сўм жарима ундиришни сўраган.


Ўзбекистон фермер, деҳқон хўжаликлари ва томорқа ер эгалари кенгашининг важлари
Жавобгар томонидан 7 та ҳолатда тўлов ҳужжатисиз 15 100 033 сўм пул маблағи ҳисобдан чиқарилган ҳамда пахта ва ғалла имтиёзли кредитлари учун 4 760 699 сўм ортиқча кредит фоизлари ундириб олинган.
Шу сабабли жавобгардан тўлов ҳужжатисиз ҳисобдан чиқарилган 15 100 033 сўм, пахта ва ғалла имтиёзли кредитлари учун ортиқча ундириб олинган 4 760 699 сўм ҳамда тўлов ҳужжатисиз пул маблағлари ҳисобдан чиқарилганлиги учун тарафлар ўртасидаги шартноманинг 6.1.3-бандига асосан 200 165 965 сўм жаримани ундириш лозим.


Даъвогарнинг важлари
Жавобгар томонидан 7 та ҳолатда тўлов ҳужжатисиз 15 100 033 сўм пул маблағи ҳисобдан чиқарилган ҳамда пахта ва ғалла имтиёзли кредитлари учун 4 760 699 сўм ортиқча кредит фоизлари ундириб олинган.
2012 йил 1 декабрда 18-сонли банк ҳисобварағи шартномасининг 6.1.3-бандида ҳисобварақдаги пул маблағларини ҳисобга киритиш ва ҳисобдан чиқариш тартибини бузганлик учун банк устав капиталининг энг кам миқдорининг 0,1 фоизи миқдорида жарима тўланиши белгиланган.
Шу сабабли жавобгардан тўлов ҳужжатисиз ҳисобдан чиқарилган 15 100 033 сўм, пахта ва ғалла имтиёзли кредитлари учун ортиқча ундириб олинган 4 760 699 сўм ҳамда тўлов ҳужжатисиз пул маблағлари ҳисобдан чиқарилганлиги учун 200 165 965 сўм жаримани ундириш лозим.