Ўзбекистон Республикасини янада ривожлантириш бўйича Ҳаракатлар стратегияси тўғрисида

Лизинг шартномаси бекор бўлгандагина, лизинг обьектини лизинг олувчидан лизинг берувчига қайтариб олиб беришга йўл қўйилади.


Низонинг моҳияти
Акциядорлик компанияси (лизинг берувчи) ва “Қундузхон опа” фермер хўжалиги (лизинг олувчи) ўртасида 2006 йил 24 октябрда лизинг шартномаси тузилган. Унга кўра лизинг берувчи “ТТЗ-80.10” русумли бир дона чопиқ тракторни лизинг шартларида ҳақ эвазига эгалик қилиш ҳамда фойдаланиш учун келгусида сотиб олиш ҳуқуқи билан лизинг олувчига бериш, лизинг олувчи эса қишлоқ хўжалиги техникасини қабул қилиб олиш, шартнома белгиланган муддатларда ва миқдорда лизинг тўловларини тўлаб бориш мажбуриятини олган.
Кейинчалик, 2009 йил 13 январда лизинг берувчи, лизинг олувчи ва “Сулаймонбек” фермер хўжалиги ўртасида ҳуқуқ ва мажбуриятдан бошқа шахс фойдасига воз кечиш ҳақида шартнома тузилиб, 2006 йил 24 октябрдаги лизинг шартномаси бўйича лизинг олувчининг барча ҳуқуқ ва мажбуриятлари фермер хўжалигига ўтган. Мазкур шартномага кўра, “ТТЗ-80.10” русумли бир дона чопиқ трактори техникасини қабул қилиш-топшириш далолатномаси асосида фермер хўжалиги қабул қилган. Фермер хўжалиги техникани қабул қилиб олиш билан бир вақтда шартномада белгиланган миқдорда ва муддатларда тўловни амалга оширишни ўз зиммасига олган.
Бироқ, фермер хўжалиги томонидан лизинг шартномасида белгиланган муддатда тўловлар ўз вақтида амалга оширилмаганлиги сабабли, унинг лизинг берувчи олдидаги жами қарздорлиги 10 002 724 сўмни ташкил этган. Шу сабабли Ўзбекистон Савдо-саноат палатаси лизинг берувчи манфаатида судга даъво аризаси билан мурожаат қилиб, фермер хўжалигидан
6 668 843 сўм асосий қарз, 3 334 421 сўм пеня ва етказиб берилган бир дона “ТТЗ-80.10” русумли чопиқ тракторини лизинг берувчига қайтаришни сўраган.


Ўзбекистон Савдо-саноат палатасининг важлари
Лизинг берувчи, лизинг олувчи ва фермер хўжалиги ўртасида 2009 йил 13 январда ҳуқуқ ва мажбуриятдан бошқа шахс фойдасига воз кечиш ҳақида шартнома тузилиб, 2006 йил 24 октябрдаги лизинг шартномаси бўйича лизинг олувчининг барча ҳуқуқ ва мажбуриятлари фермер хўжалигига ўтган. Мазкур шартномага кўра, “ТТЗ-80.10” русумли бир дона чопиқ трактори техникасини қабул қилиш-топшириш далолатномаси асосида фермер хўжалиги қабул қилган. Фермер хўжалиги техникани қабул қилиб олиш билан бир вақтда шартномада белгиланган миқдорда ва муддатларда тўловни амалга оширишни ўз зиммасига олган.
Бироқ, фермер хўжалиги томонидан лизинг шартномасида белгиланган муддатда тўловлар ўз вақтида амалга оширилмаганлиги сабабли, унинг лизинг берувчи олдидаги жами қарздорлиги 10 002 724 сўмни ташкил этган.
Лизинг берувчи Ўзбекистон Савдо-саноат палатаси аъзоси ҳисобланганлиги боис палатага мурожаат қилиб, қарздорликни ундириш бўйича амалий ёрдам кўрсатишни сўраган.
Шу сабабли Ўзбекистон Савдо-саноат палатаси ўзининг аъзоси ҳисобланган лизинг берувчи манфаатида судга мурожаат қилган.
Фермер хўжалигининг қарздорлиги мавжудлиги сабабли даъво талабларини қаноатлантириш лозим.