Ўзбекистон Республикасини янада ривожлантириш бўйича Ҳаракатлар стратегияси тўғрисида

13-1304/8865-сонли иш


ФКнинг 382-моддасига мувофиқ лизинг шартномаси бир тарафлама ўзгартирилиши мумкин эмас. Шу сабабли, шартномада белгиланган тўловлар қиймати бир тарафнинг хоҳиши билан ўзгартирилмайди.


Низонинг моҳияти
Масъулияти чекланган жамият (лизинг берувчи) ва хусусий корхона (лизинг олувчи) ўртасида лизинг шартномаси тузилган.
Мазкур шартномага кўра лизинг берувчи Навоий шаҳри Мустақиллик кўчасида жойлашган қахвахона биносини лизингга бериши, лизинг олувчи эса лизингга олинган қахвахона биноси учун аванс пулларини тўлаб бериб, қолган тўловларни тўлов графигига асосан амалга ошириб бориши белгиланган.
Лизинг берувчи томонидан шартнома мажбуриятлари лозим даражада бажарилган, яъни Навоий шаҳри Мустақиллик кўчасида жойлашган қахвахона биноси ўз вақтида лизинг олувчига топширилган.
Лизинг олувчи томонидан эса лизинг шартномасида белгиланган мажбуриятлар лозим даражада бажарилмаган, яъни лизинг тўловлари тўлиқ тўланмаган.
Шартномада кўрсатилган лизинг тўловлари тўлиқ тўлаб берилмаганлиги учун лизинг берувчи лизинг объектини лизинг олувчига мулк ҳуқуқини берувчи ҳужжатларни расмийлаштирмаган.
Шу сабабли, лизинг олувчи лизинг берувчига нисбатан судга даъво аризаси билан мурожаат қилган ҳамда лизинг шартномасида кўрсатилган шартларда лизинг объектини лизинг олувчига мулк ҳуқуқини берувчи ҳужжатларни расмийлаштириш мажбуриятини юклашни сўраган.


Лизинг олувчининг важлари
Биз ҳамда лизинг берувчи ўртасида лизинг шартномаси тузилган.
Мазкур шартномага кўра лизинг берувчи Навоий шаҳри Мустақиллик кўчасида жойлашган қахвахона биносини лизингга бериши, лизинг олувчи эса лизингга олинган қахвахона биноси учун аванс пулларини тўлаб бериб, қолган тўловларни тўлов графигига асосан амалга ошириб бориши белгиланган.
Лизинг берувчи томонидан шартнома мажбуриятлари лозим даражада бажарилган, яъни Навоий шаҳри Мустақиллик кўчасида жойлашган қахвахона биноси ўз вақтида лизинг олувчига топширилган.
Лизинг олувчи томонидан аванс пуллари шартномада белгиланган муддатларда тўлаб берилган.
Лизинг олувчи қахвахонани қабул қилиб олганидан сўнг унинг олд фасад қисмини ўзгартирган. Қахвахона фасад қисмини ўзгартириш учун 8 000 000 сўм сарф-харажат қилинган.
Лизинг олувчи ушбу сарф-харажатни чегириб, шу миқдордаги лизинг тўловларини тўлашдан бош тортган.
Шартномада кўрсатилган лизинг тўловлари тўлиқ тўлаб берилган бўлишига қарамасдан лизинг берувчи лизинг объектини лизинг олувчига мулк ҳуқуқини берувчи ҳужжатларни расмийлаштирмаган.
Шу сабабли, лизинг шартномасида кўрсатилган шартларда лизинг объектини лизинг олувчига мулк ҳуқуқини берувчи ҳужжатларни расмийлаштириш мажбуриятини юклаш лозим.