Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Масъулияти чекланган жамият (ижарага берувчи) ва якка тартибдаги тадбиркор (ижарага олувчи) ўртасида 2008 йил 17 декабрда ижара шартномаси тузилган.
Мазкур шартномага асосан ижарага берувчи Урганч туманида жойлашган иссиқхона биносини ижарага олувчига вақтинчалик фойдаланишга бериш, ижарага олувчи эса ижара ҳақи тўловларини ўз вақтида тўлаш мажбуриятини олган.
Ижарага берувчи томонидан Урганч туманида жойлашган иссиқхона биноси ижарага олувчига вақтинчалик фойдаланиш учун ўз вақтида топширилган.
Ижарага олувчи иссиқхонадан 2008 йил 17 декабрдан 2009 йил 17 июлга қадар, яъни 7 ой мобайнида фойдаланиб келган, аммо шартномавий мажбуриятини лозим даражада бажармаган, яъни шартномада кўрсатилган муддат ичида 3 500 000 сўмлик ижара ҳақини тўламаган.
Шу сабабли ижарага берувчи судга даъво аризаси билан мурожаат қилиб, ижарага олувчидан 3 500 000 сўм асосий қарз, 1 925 000 сўм пеня, 6 000 000 сўм жарима, 1 178 435 коммунал тўловлар, жами 12 603 435 сўм ундиришни сўраган.
Низо бўйича ҳал қилув қарори қабул қилингунига қадар ижарага олувчи судга қарши даъво аризаси билан мурожаат қилиб, ижарага берувчи билан 2008 йил 17 декабрда тузилган ижара шартномасини ҳақиқий эмас деб топишни сўраган.


Ижарага берувчининг важлари
Биз ҳамда ижарага олувчи ўртасида 2008 йил 17 декабрда ижара шартномаси тузилган.
Мазкур шартномага асосан ижарага берувчи Урганч туманида жойлашган иссиқхона биносини ижарага олувчига вақтинчалик фойдаланишга бериш, ижарага олувчи эса ижара ҳақи тўловларини ўз вақтида тўлаш мажбуриятини олган.
Ижарага берувчи томонидан шартнома мажбуриятлари лозим даражада бажарилган, яъни Урганч туманида жойлашган иссиқхона биноси ижарага олувчига вақтинчалик фойдаланиш учун ўз вақтида топширилган. Ижарага олувчи иссиқхонадан 2008 йил 17 декабрдан 2009 йил 17 июлга қадар, яъни 7 ой мобайнида фойдаланиб келган.
Бироқ ижарага олувчи шартнома мажбуриятларини лозим даражада бажармаган, яъни шартномада кўрсатилган муддат ичида 3 500 000 сўмлик ижара ҳақини тўламаган.
Шу сабабли ижарага олувчидан ижарага берувчи фойдасига 3 500 000 сўм асосий қарз, 1 925 000 сўм пеня, 6 000 000 сўм жарима, 1 178 435 коммунал тўловлар, жами 12 603 435 сўм ундириш лозим.