Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Хусусий корхона (ижарага олувчи) ҳамда масъулияти чекланган жамият (ижарага берувчи) ўртасида 2007 йил 2 январда бино ёки иншоотни ижарага бериш шартномаси тузилган.
Мазкур шартномага кўра ижарага берувчи ижарага олувчига Фарғона шаҳри У.Юсупов кўчаси 3-уй манзилида жойлашган бинонинг 20 кв.метр қисмини вақтинча эгалик қилиш ва фойдаланиш учун топшириш, ижарага олувчи эса йиллик 3 000 000 сўм ижара ҳақини белгиланган муддатда тўлаш мажбуриятини ўз зиммасига олган.
Шартноманинг амал қилиш муддати 2008 йил 31 декабрга қадар белгиланган.
Ижарага берувчи томонидан Фарғона шаҳри У.Юсупов кўчаси 3-уй манзилида жойлашган бинонинг 20 кв.метр қисми ижарага олувчига фойдаланиш учун топширилган.
Ижара олувчи томонидан эса ижара ҳақи ўз вақтида тўлаб келинган.
Ижарага берувчи шартноманинг 5.1-банди талабидан келиб чиқиб, 2009 йил 17-30 январь кунларида ижарага олувчини ёзма равишда огоҳлантириб, эгаллаб турган ижара объектини бўшатиш талабини билдирган.
Бироқ, ижарага олувчи ижара объектини бўшатишан бош тортган.
Шу сабабли ижарага берувчи судга мурожаат қилган ҳамда ижарага олувчини Фарғона шаҳри У.Юсупов кўчаси 3-уй манзилида жойлашган бинодан мажбурий тартибда чиқаришни сўраган.


Ижарага берувчининг важлари
Биз ҳамда ижарага олувчи ўртасида 2007 йил 2 январда бино ёки иншоотни ижарага бериш шартномаси тузилган.
Мазкур шартномага кўра ижарага берувчи ижарага олувчига Фарғона шаҳри У.Юсупов кўчаси 3-уй манзилида жойлашган бинонинг 20 кв.метр қисмини вақтинча эгалик қилиш ва фойдаланиш учун топшириш, ижарага олувчи эса йиллик 3 000 000 сўм ижара ҳақини белгиланган муддатда тўлаш мажбуриятини ўз зиммасига олган.
Ижарага берувчи томонидан Фарғона шаҳри У.Юсупов кўчаси 3-уй манзилида жойлашган бинонинг 20 кв.метр қисми ижарага олувчига ўз вақтида фойдаланиш учун топширилган.
Ижара шартномасининг амал қилиш муддати 2008 йил 31 декабрда тугаган.
Ижара шартномасининг 5.1-банди талабидан келиб чиқиб, 2009 йил
17-30 январь кунларида ижарага олувчини ёзма равишда огоҳлантириб, эгаллаб турган ижара объектини бўшатиш талабини билдирилган бўлишига қарамасдан, ижарага олувчи ижара объектини бўшатишан бош тортиб келмоқда.
Шу сабабли ижарага олувчини Фарғона шаҳри У.Юсупов кўчаси 3-уй манзилида жойлашган бинодан мажбурий тартибда чиқариш лозим.