Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Банк (даъвогар) ҳамда масъулияти чекланган жамияти (жавобгар) ўртасида кредит шартномаси тузилган.
Мазкур кредит шартномасига кўра даъвогар жавобгарга 50 000 000 сўм миқдоридаги кредит маблағларини ажратган.
Кредит қайтарилишини таъминлаш мақсадида даъвогар ва жавобгар ўртасида ипотека шартномаси тузилган.
Ипотека шартномасига кўра гаровга қўювчига қарашли маъмурий бино ҳамда бошқа бино ва иншоотлар гаровга қўйилиб, улар 62 500 000 сўмга баҳоланган.
Жавобгар кредит ва унинг фоизларини ўз вақтида қайтармаганлиги учун унинг даъвогар олдида 43 333 334 сўм кредит ва 4 336 274 сўм фоизлар бўйича қарздорлиги вужудга келган.
Шу сабабли Савдо-саноат палатаси даъвогар манфаатида жавобгар ва гаровга қўювчига нисбатан судга мурожаат қилиб, 2012 йил 2 августдаги кредит шартномасини муддатидан олдин бекор қилишни ва гаровдаги мол-мулклар ҳисобидан 43 333 334 сўм кредит суммасини ва 4 336 274 сўм фоизларни ундиришни сўраган.


Даъвогарнинг важлари
Биз ҳамда жавобгар ўртасида кредит шартномаси тузилган ҳамда мазкур кредитнинг қайтарилишини таъминлаш мақсадида ипотека шартномаси тузилган.
Кредит шартномасига кўра даъвогар жавобгарга 50 000 000 сўм миқдоридаги кредит маблағларини ажратган.
Бироқ жавобгар томонидан шартномавий мажбуриятлар лозим даражада бажарилмаган, кредит ва унинг фоизлари ўз вақтида қайтармаганлиги учун унинг даъвогар олдида 43 333 334 сўм кредит ва 4 336 274 сўм фоизлар бўйича қарздорлиги вужудга келган.
Шу сабабли 2012 йил 2 августдаги кредит шартномасини муддатидан олдин бекор қилиш ва гаровдаги мол-мулклар ҳисобидан 43 333 334 сўм кредит суммаси ва 4 336 274 сўм фоизларни ундириш лозим.


Жавобгарнинг важлари
Биз ҳамда даъвогар ўртасида кредит шартномаси тузилган бўлиб, унга кўра даъвогар жавобгарга 50 000 000 сўм миқдоридаги кредит маблағларини ажратган.
Кредит қайтарилишини таъминлаш мақсадида даъвогар ва жавобгар ўртасида ипотека шартномаси тузилган.
Ипотека шартномасига кўра гаровга қўювчига қарашли маъмурий бино ҳамда бошқа бино ва иншоотлар гаровга қўйилиб, улар 62 500 000 сўмга баҳоланган.
Жавобгар кредит ва унинг фоизларини ўз вақтида қайтармаганлиги учун Савдо-саноат палатаси даъвогар манфаатида жавобгар ва гаровга қўювчига нисбатан судга мурожаат қилиб, 2012 йил 2 августдаги кредит шартномасини муддатидан олдин бекор қилишни ва 43 333 334 сўм кредит суммасини ва 4 336 274 сўм фоизларни ундиришни, ундирувни гаровдаги мол-мулкка қаратишни сўраган.
Кредит қайтарилишини таъминлаш мақсадида тузилган ипотека шартномаси нотариал тартибда тасдиқланган бўлсада, аммо давлат рўйхатидан ўтказилмаган. Мазкур шартнома ҳақиқий эмас ҳисобланади.
Шу сабабли қарздорлик суммасини ундиришни гаровга қўйилган мулкка қаратиш тўғрисидаги талабни қаноатлантиришни рад этиш лозим.