Ўзбекистон Республикасини янада ривожлантириш бўйича Ҳаракатлар стратегияси тўғрисида

Даъвогарнинг важлари:
Жавобгар билан тузилган контрактнинг 2.1.3-бандида маҳсулот “сотиб олувчи”га тўлиқ етказиб берилган ва пул маблағлари конвертация қилинганидан кейин тарафлар ўртасида конвертация қилинган кун ҳолатида якуний молиявий ҳисоб-китоб амалга оширилиши белгиланган.
Бундан кўринадики, жавобгар контракт тузиш пайтида контрактнинг ушбу шартларига рози бўлиб, пул маблағлари конвертация қилинган кун ҳолатидаги миллий валютанинг хорижий валютага нисбатан бўлган курси бўйича даъвогар билан ҳисоб-китобни амалга ошириш мажбуриятини олган.
Даъвогар ўз вақтида банкка валюта сотиб олиш учун керакли барча ҳужжатларни тақдим қилган, банк эса ўз навбатида биржадан ташқари валюта бозорида хорижий валюта харид қилиш учун буюртма берган.
Банкнинг буюртмаси асосида 2017 йил 30 апрель куни биржадан ташқари валюта бозорида 149 040 Евро харид қилинган ва Ўзбекистон Республикаси Марказий банки томонидан белгиланган миллий валютанинг 1 Еврога нисбатан курси (қиймати) шу куни 4 085,60 сўмга тенг бўлган.
Натижада, жавобгар томонидан олдиндан тўланган пул маблағлари ва 149 040 Евро харид қилиш учун тўлаб берилган пул маблағларини фарқи 206 509 824 сўмни ташкил қилган бўлиб, тарафлар ўртасида тузилган контрактнинг 2.1.3-бандига асосан “сотиб олувчи” ушбу фарқ суммасини тўлаб бериши шарт.


Жавобгарнинг важлари:
Тарафлар ўртасида тузилган контракт бўйича даъвогар олдиндан 100 фоиз сўмдаги тўловни олиши, уни белгиланган тартибда чет эл валютасига конвертация қилиши ва шундан сўнг 90 кунлик муддат ичида маҳсулот етказиб бериши керак бўлган.
Даъвогар ушбу талабга риоя қилинганда ҳеч қандай қўшимча харажат ёки курс ўзгариши натижасида зарар келиб чиқмас эди.
Фуқаролик кодексининг 324-моддасида қарздор мажбуриятни бажармаганлиги ёки лозим даражада бажармаганлиги туфайли кредиторга етказилган зарарни тўлаши шартлиги белгиланган.
Мазкур ҳолатда “сотиб олувчи” (жавобгар) контракт бўйича мажбуриятни бажариб, олдиндан 100 фоиз тўловни амалга оширилган. Шу сабабли, контракт бўйича жавобгар даъвогар олдидаги мажбуриятини тўлиқ бажарганлиги боис “сотиб олувчи” пулни конвертация қилувчи банкни хатти-ҳаракатлари учун жавоб бермайди.