Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Акциядорлик жамияти (ижарага берувчи) ва хусусий корхона (ижарага олувчи) ўртасида ижара шартномаси тузилган.
Мазкур ижара шартномасига кўра ижарага берувчи ижарага олувчига ўзига тегишли бўлган Урганч шаҳри Мустақиллик кўчаси 3-уй манзилида жойлашган 2 қаватли бинони вақтинча эгалик қилиш ва фойдаланиш учун топшириш, ижарага олувчи эса ижара ҳақини белгиланган муддатда тўлаш мажбуриятини ўз зиммасига олган.
Урганч шаҳри Мустақиллик кўчаси 3-уй манзилида жойлашган 2 қаватли бинони вақтинча эгалик қилиш ва фойдаланиш учун ижарага олувчига топширилган.
Ижара объекти ижара шартномаси муддати тугамасдан масъулияти чекланган жамият (сотиб олувчи) томонидан сотиб олинган. Бироқ, ижара предмети сотилганлиги тўғрисида ижарага олувчи хабардор қилинмаган, натижада ижарага олувчи бир қанча муддат давомида ижара ҳақини ижарага берувчига тўлаб келган.
Сотиб олувчи мазкур ҳолатдан норози бўлиб, судга мурожаат қилган ҳамда мулкка эгалик қилиш ҳуқуқи ижарага берувчидан сотиб олувчига ўтган пайтдан бошлаб Фуқаролик кодексининг 1028-моддасига асосан ижарага берувчи олган даромадни ундиришни сўраган.


Сотиб олувчининг важлари
Биз ҳамда ижарага берувчи ўртасида олди-сотди шартномаси тузилган.
Мазкур шартномага кўра сотиб олувчи Урганч шаҳри Мустақиллик кўчаси 3-уй манзилида жойлашган 2 қаватли бинони сотиб олган.
Мазкур бино сотиб олингунига қадар ижарага берувчи ҳамда ижарага олувчи ўртасида ижара шартномаси тузилган.
Мазкур ижара шартномасига кўра ижарага берувчи ижарага олувчига ўзига тегишли бўлган Урганч шаҳри Мустақиллик кўчаси 3-уй манзилида жойлашган 2 қаватли бинони вақтинча эгалик қилиш ва фойдаланиш учун топшириш, ижарага олувчи эса ижара ҳақини белгиланган муддатда тўлаш мажбуриятини ўз зиммасига олган.
Ижара шартномаси тузилганидан кейин бино сотиб олувчи томонидан сотиб олинган бўлишига қарамасдан, ижарага олувчи ижара ҳақини ижарага берувчига тўлаб келган.
Шу сабабли мулкка эгалик қилиш ҳуқуқи ижарага берувчидан сотиб олувчига ўтган пайтдан бошлаб Фуқаролик кодексининг 1028-моддасига асосан ижарага берувчи олган даромадни ундириш лозим.