Ўзбекистон Республикасини янада ривожлантириш бўйича Ҳаракатлар стратегияси тўғрисида

Агар ижарага берувчи ижарага олувчига мулкни ижара объектини эксплуатация қилиш ва фойдаланиш учун зарур бўлган ҳужжатларсиз берган бўлса, ижара ҳақи ундирилмайди.


Низонинг моҳияти
Акциядорлик жамияти (ижарага берувчи) ва масъулияти чекланган жамият (ижарага олувчи) ўртасида 2008 йил 17 декабрда транспорт воситасини ижарага бериш шартномаси тузилган.
Мазкур шартномага асосан ижарага берувчи “Исузи” русумли автобусни бошқариш ва техник фойдаланиш бўйича хизмат кўрсатмаган ҳолда вақтинча эгалик қилиш ва фойдаланиш учун ижарага олувчига бериш, ижарага олувчи эса ижара ҳақини ўз вақтида тўлаш мажбуриятини ўз зиммасига олган.
Ижарага берувчи томонидан “Исузи” русумли автобус ўз вақтида ижарага олувчига топширилган.
Ижарага олувчи томонидан эса шартнома мажбуриятлари лозим даражада бажарилмаган, яъни ижара ҳақи ўз вақтида тўланмаган.
Шу сабабли ижарага берувчи судга мурожаат қилиб, ижарага олувчидан 12 000 000 сўм ижара ҳақи ва бошқа шахсларнинг пул маблағларидан фойдаланганлик учун 2 000 000 сўм фоиз ундиришни сўраган.
Низо бўйича ҳал қилув қарори қабул қилингунига қадар ижарага олувчи судга қарши даъво аризаси билан мурожаат қилган ҳамда “Исузи” русумли автобус билан бирга унинг техник ҳужжатлари топширилмаганлиги сабабли тарафлар ўртасида 2008 йил 17 декабрдаги транспорт воситасини ижарага бериш шартномасини бекор қилишни сўраган.


Ижарага берувчининг важлари
Биз ҳамда ижарага олувчи ўртасида 2008 йил 17 декабрда транспорт воситасини ижарага бериш шартномаси тузилган.
Мазкур шартномага асосан ижарага берувчи “Исузи” русумли автобусни бошқариш ва техник фойдаланиш бўйича хизмат кўрсатмаган ҳолда вақтинча эгалик қилиш ва фойдаланиш учун ижарага олувчига бериш, ижарага олувчи эса ижара ҳақини ўз вақтида тўлаш мажбуриятини ўз зиммасига олган.
Ижарага берувчи томонидан шартнома мажбуриятлари лозим даражада бажарилган, яъни “Исузи” русумли автобус ўз вақтида ижарага олувчига топширилган.
Ижарага олувчи томонидан эса шартнома мажбуриятлари лозим даражада бажарилмаган, яъни ижара ҳақи ўз вақтида тўланмаган. Натижада ижарага олувчининг ижарага берувчи олдида ижара ҳақидан 12 000 000 сўм миқдорида қарздорлиги вужудга келган.
Шу сабабли даъво талабларини қаноатлантириб, ижарага олувчидан ижарага берувчи фойдасига 12 000 000 сўм ижара ҳақи ва бошқа шахсларнинг пул маблағларидан фойдаланганлик учун 2 000 000 сўм фоиз ундириш лозим.