Ўзбекистон Республикасини янада ривожлантириш бўйича Ҳаракатлар стратегияси тўғрисида

Банкнинг банк фаолиятини амалга ошириш ҳуқуқини берувчи лицензиясининг чақириб олиниши, берилган кредитга фоиз ҳисобланишини тўхтатмайди.


Низонинг моҳияти
Банк ҳамда акциядорлик жамияти (қарз олувчи) ўртасида кредит шартномаси тузилган.
Мазкур кредит шартномасига кўра банк йиллик 14 фоиз тўлаш шарти билан 60 ой муддатга 6 297 991 000 сўм кредит бериш, қарз олувчи эса кредит асосий қарзи ва унга ҳисобланган фоизларни шартномада белгиланган муддат ва миқдорларда қайтариш мажбуриятини олган.
Ўзбекистон Республикаси Марказий банкининг қарори билан банкнинг банк фаолиятини амалга ошириш ҳуқуқини берувчи лицензияси чақириб олиниб, мижозларга банк хизмати кўрсатиш тўхтатилган.
Қарз олувчи банкнинг тугатиш комиссиясига нисбатан судга даъво аризаси билан мурожаат қилиб, банкдан 96 589 015 сўм кредит фоизи ҳисобига олинган суммани ундиришни сўраган. Даъво аризасида банк фаолияти 2013 йил 27 ноябрдан тўхтатилганлиги, банк фаолияти тўхтатилган пайтдан бошлаб кредитга фоизлар ҳисобланиши мумкин бўлмасада, банк томонидан шу кундан 2014 йил 30 апрелга қадар 111 721 312,82 сўм фоиз ҳисобланганлиги, 2014 йил 8 апрелда 627-сонли тўлов топшириқномаси билан тўланган 219 692 541,00 сўмдан 95 901 183,35 сўми кредит фоизи учун асоссиз ундирилганлиги важ қилиб кўрсатилган.


Қарз олувчининг важлари
Биз ҳамда банк ўртасида кредит шартномаси тузилган бўлиб, унга кўра йиллик 14 фоиз тўлаш шарти билан 60 ой муддатга 6 297 991 000 сўм кредит маблағлари ажратилган.
Ўзбекистон Республикаси Марказий банкининг қарори билан банкнинг банк фаолиятини амалга ошириш ҳуқуқини берувчи лицензияси чақириб олиниб, 2013 йил 27 ноябрдан бошлаб мижозларга банк хизмати кўрсатиш тўхтатилган.
Банк фаолияти тўхтатилган пайтдан бошлаб кредитга фоизлар ҳисобланиши мумкин бўлмасада, банк томонидан 2014 йил 30 апрелга қадар 111 721 312,82 сўм фоиз ҳисобланган, 2014 йил 8 апрелда 627-сонли тўлов топшириқномаси билан тўланган 219 692 541,00 сўмдан 95 901 183,35 сўм кредит фоизи учун асоссиз равишда ундириб олинган.
Шу сабабли банкдан ассоссиз равишда олинган 96 589 015 сўм кредит фоизи ҳисобига олинган суммани ундириш лозим.