Низонинг моҳияти Хусусий корхона (ижарага олувчи) ҳамда масъулияти чекланган жамият (ижарага берувчи) ўртасида 2006 йил 24 январда бино ёки иншоотни ижарага бериш шартномаси тузилган.
Мазкур шартномага кўра ижарага берувчи ижарага олувчига Урганч шаҳри Мустақиллик кўчаси 3-уй манзилида жойлашган бинодан 364,3 кв.метрдан иборат 22 та хонани вақтинча эгалик қилиш ва фойдаланиш учун топшириш, ижарага олувчи эса йиллик 8 177 690 сўм ижара ҳақини белгиланган муддатда тўлаш мажбуриятини ўз зиммасига олган.
Ижарага берувчи томонидан Урганч шаҳри Мустақиллик кўчаси 3-уй манзилида жойлашган бинонинг 364,3 кв.метрдан иборат бўлган 22 та хона ижарага олувчига фойдаланиш учун топширилган.
Ижарага олувчи ижара объектларини қабул қилиб олганидан кейин уларда таъмирлаш ишларини ўтказиб, улар учун жами 19 015 968 сўм маблағ сарфлаган.
Тарафлар ўртасида тузилган далолатномага асосан мазкур таъмирлаш ишлари учун сарфланган маблағнинг 6 126 760 сўм қисми ижарага берувчи томонидан ижарага олувчининг ижара ҳақидан бўлган қарзи ҳисобига қабул қилинган.
Ижарага олувчи таъмирлаш ишлари учун сарфланган маблағларнинг қолган қисмини ундириш мақсадида судга мурожаат қилган ҳамда ижарага берувчидан 12 889 208 сўм ундиришни сўраган.
Ижарага олувчининг важлари Биз ҳамда ижарага берувчи ўртасида 2006 йил 24 январда бино ёки иншоотни ижарага бериш шартномаси тузилган.
Мазкур шартномага кўра ижарага берувчи ижарага олувчига Урганч шаҳри Мустақиллик кўчаси 3-уй манзилида жойлашган бинодан 364,3 кв.метрдан иборат 22 та хонани вақтинча эгалик қилиш ва фойдаланиш учун топшириш, ижарага олувчи эса йиллик 8 177 690 сўм ижара ҳақини белгиланган муддатда тўлаш мажбуриятини ўз зиммасига олган.
Ижарага берувчи томонидан Урганч шаҳри Мустақиллик кўчаси 3-уй манзилида жойлашган бинонинг 364,3 кв.метрдан иборат бўлган 22 та хона ижарага олувчига фойдаланиш учун топширилганидан кейин ижарага олувчи томонидан ижара объектида таъмирлаш ишлари ўтказилган, улар учун жами 19 015 968 сўм маблағ сарфлаган.
Тарафлар ўртасида тузилган далолатномага асосан мазкур таъмирлаш ишлари учун сарфланган маблағнинг 6 126 760 сўм қисми ижарага берувчи томонидан ижарага олувчининг ижара ҳақидан бўлган қарзи ҳисобига қабул қилинган.
Шу сабабли таъмирлаш ишлари учун сарфланган маблағларнинг қолган 12 889 208 сўм қисмини ижарага берувчидан ундириш лозим.