Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Масъулияти чекланган жамият (лизинг берувчи) ва хусусий корхона (лизинг олувчи) ўртасида 2013 йил 25 ноябрда лизинг шартномаси тузилган.
Мазкур шартномага кўра лизинг берувчи “ОРПД-12м” русумли қишлоқ хўжалик техникасини келгусида сотиб олиш ҳуқуқи билан ҳақ эвазига эгалик қилиш ҳамда фойдаланиш учун лизинг олувчига бериши, лизинг олувчи эса қишлоқ хўжалиги техникасини қабул қилиб олиши, шартномада белгиланган муддатларда ва миқдорда лизинг тўловларини тўлаш мажбуриятини олган.
Лизинг шартномасига асосан лизинг берувчи ва сотувчи ўртасида олди-сотди шартномаси тузилган. Сотувчи ва лизинг объекти лизинг берувчи томонидан танланган.
Лизинг олувчи томонидан лизинг шартномасида белгиланган 75 000 000 сўм миқдоридаги аванс (бўнак) пуллари ўз вақтида тўланган бўлсада, сотувчи лизинг шартномасида белгиланган тартибда ва муддатларда лизинг объектини лизинг олувчига топширмаган.
Шу сабабли, лизинг олувчи лизинг берувчига нисбатан судга даъво аризаси билан мурожаат қилган ҳамда тарафлар ўртасида 2013 йил
25 ноябрда тузилган лизинг шартномасини бекор қилишни ва олдиндан тўланган 75 000 000 сўм миқдоридаги аванс суммасини қайтаришни сўраган.


Лизинг олувчининг важлари
Биз ҳамда лизинг берувчи ўртасида 2013 йил 25 ноябрда лизинг шартномаси тузилган.
Мазкур шартномага кўра лизинг берувчи “ОРПД-12м” русумли қишлоқ хўжалик техникасини келгусида сотиб олиш ҳуқуқи билан ҳақ эвазига эгалик қилиш ҳамда фойдаланиш учун лизинг олувчига бериши, лизинг олувчи эса қишлоқ хўжалиги техникасини қабул қилиб олиши, шартномада белгиланган муддатларда ва миқдорда лизинг тўловларини тўлаш мажбуриятини олган.
Лизинг шартномасига асосан лизинг берувчи ва сотувчи ўртасида олди-сотди шартномаси тузилган. Сотувчи ва лизинг объекти лизинг берувчи томонидан танланган.
Олди-сотди шартномасининг 6.4-бандида шартнома объекти бўлган техника воситаси сотувчи томонидан бевосита лизинг олувчига у турган манзилга етказилиши ва топширилиши белгиланган.
Лизинг олувчи томонидан лизинг шартномасида белгиланган аванс (бўнак) пуллари ўз вақтида амалга оширилган бўлсада, сотувчи лизинг шартномасида белгиланган тартибда ва муддатларда лизинг объектини лизинг олувчига топширмаган.
Шу сабабли, 2013 йил 25 ноябрдаги лизинг шартномасини бекор қилиш ва олдиндан тўланган 75 000 000 сўм миқдоридаги аванс суммасини қайтариш лозим.