Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти
Масъулияти чекланган жамият (лизинг берувчи) ва хусусий корхона (лизинг олувчи) ўртасида 2013 йил 11 мартда лизинг шартномаси тузилган. Ушбу шартномага асосан лизинг берувчи томонидан лизинг олувчи танлаган мол-мулкни харид қилиш ва лизингга бериш, лизинг олувчи лизинг объектини қабул қилиш ва лизинг тўловларини ўз вақтида тўлаш мажбуриятини ўз зиммасига олган.
Лизинг берувчи томонидан лизинг олувчи танлаган – сотувчи Эрон Республикасининг компаниясидан технологик ускуна сотиб олинган ва ушбу ускуна лизинг олувчига лизинг объекти сифатида топширилган.
Лизинг олувчи томонидан эса мажбуриятлар лозим даражада бажарилмаган. Натижада лизинг олувчининг лизинг берувчи олдида қарздорлиги вужудга келган.
Шу сабабли лизинг берувчи лизинг олувчига нисбатан судга мурожаат қилган ҳамда 142 225 687 сум асосий қарз, 118 499 647 сўм фоиз ва 16 362 432 сўм харажатларни ундиришни сўраган.


Лизинг берувчининг важлари
Биз ҳамда лизинг олувчи ўртасида 2013 йил 11 мартда лизинг шартномаси тузилган.
Ушбу шартномага асосан лизинг берувчи томонидан лизинг олувчи танлаган мол-мулкни харид қилиш ва лизингга бериш, лизинг олувчи эса лизинг объектини қабул қилиш ва лизинг тўловларини ўз вақтида тўлаш мажбуриятини ўз зиммасига олган.
Лизинг берувчи томонидан лизинг олувчи танлаган – сотувчи Эрон Республикасининг компаниясидан технологик ускуна сотиб олинган ва ушбу ускуна лизинг олувчига лизинг объекти сифатида топширилган.
Лизинг шартномасининг 7.2-бандида лизинг объектидан фойдаланганлиги учун лизинг олувчи лизинг берувчига 2 710 992 960 сўм миқдордаги лизинг тўловларни тўлов графигида белгиланган муддатларда тўлаб бериш мажбуриятини олган.
Бироқ, лизинг олувчи томонидан шартнома мажбуриятлари лозим даражада бажарилмаган. Натижада лизинг олувчининг лизинг берувчи олдида қарздорлиги вужудга келган.
Шу сабабли лизинг олувчидан 142 225 687 сум асосий қарз, 118 499 647 сўм фоиз ва 16 362 432 сўм харажатларни ундириш лозим.