Ўзбекистон Республикасини янада ривожлантириш бўйича Ҳаракатлар стратегияси тўғрисида

Низонинг моҳияти:
Фуқаро Р. (бундан буён матнда даъвогар деб юритилади) “Х” акциядорлик жамиятининг акциядори бўлиб, у АЖ 25 дона акциясининг эгаси бўлган ва унга депозитарий томонидан 22-CJED03333F-рақамли гувоҳнома.
2010 йил 5 июнда даъвогар ва фуқаро С. (бундан буён матнда жавобгар деб юритилади) ўртасида 10-сонли “Қимматли қоғозларни олди-сотди” шартномаси тузилган бўлиб, унга кўра даъвогар депозитарийда рўйхатга олинган ҳар бирининг номинал қиймати 1 000 сўм бўлган 25 дона акцияларни жавобгарга 25 000 сўмга сотган.
Даъвогар жавобгарга нисбатан даъво аризаси хўжалик судига мурожаат қилиб, даъвогар ва жавобгар ўртасида 2010 йил 5 июнда тузилган 10-сонли “Қимматли қоғозларни олди-сотди” шартномасини ҳақиқий эмас деб топишни сўраган.


Даъвогарнинг важлари:
2010 йил 5 июнда тузилган 10-сонли “Қимматли қоғозларни олди-сотди” шартномаси алдов ва қўрқитиш асоси билан тузилган.
Шартнома тузиш пайтида жавобгар АЖнинг директори лавозимида ишлаганлиги, даъвогар эса АЖда оддий ходим бўлиб ишлаб келган. Жавобгар ўз мансабидан фойдаланиб даъвогардан акцияларни сотишни талаб қилган, акс ҳолда у билан тузилган меҳнат шартномасини бекор қилишни айтган. Шу сабабли даъвогар ўз акцияларини жавобгарга сотган.
Бундан ташқари, шартнома тузишда жавобгарнинг талаби билан шартномада акцияларни номинал қийматида сотиш белгилаган ва жавобгар даъвогарга ҳар бир акция учун 50 минг сўм пул маблағларини нахт тўлаб беришни ваъда қилган. Аммо шартнома тузгандан кейин жавобгар даъвогарга фақат 25 000 сўм тўлаб берган.


Жавобгарнинг важлари:
Даъвогар томонидан у қай тартиб ва ҳолатда алдаганлиги, қўрқитганлиги ёки тазйиқ ўтказганлигини исботловчи бирор бир далил судга тақдим қилинмаган.
Даъвогар 2010 йилдан бери айнан мазкур асослар бўйича олди-сотди шартномаси тузилганлиги ҳақида ҳуқуқни муҳофаза қилувчи идораларга мурожаат қилмаган.
2013 йилда даъвогар 2010 йил 5 июнда тузилган 10-сонли “Қимматли қоғозларни олди-сотди” шартномасини айнан шу асослар билан ҳақиқий эмас деб топиш ҳақидаги даъво аризаси билан фуқаролик ишлар бўйича судига мурожаат қилган. Бироқ, даъвогарнинг асослари ўз тасдиғини топмаганлиги сабабли даъво рад этилган ва биринчи инстанция судининг ҳал қилув қарори апелляция инстанцияси судининг ажрими билан ўзгаришсиз қолдирилган.
Шунингдек, шартнома тузилган пайтидан 5 йилдан кўп вақт ўтган, яъни даъво муддати ўтиб кетган. Шу сабабли даъво муддатини қўллаш лозим.