Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Табиий ва сунъий плёнкали материаллар.
Озиқ-овқат маҳсулотларини қадоқлашда ишлатиладиган плёнкали материалларнинг жуда кўп турлари мавжуд. Табиий плёнкали материаллар билан бир қаторда сунъий усулда (полимерлардан) тайёрланган плёнкали материаллар ҳам кенг қўлланилади.
Табиий манбалар асосида тайёрланган плёнкали материаллар.
Цэлюлоза. Ўсимликлардан олинадиган целлюлоза табиий юқори молекуляр бирикмаларнинг кенг қўлланиладиган вакили ҳисобланади. Плёнка ишлаб чиқариш учун кўпинча қайта тикланган селлюлоза - вискозадан фойдаланилади.
Цэлофан (вискоза плёнкаси). целлофан (ГОСТ 7730 га кўра) шаффоф, ароматик моддаларни (газларни) ўтказмайди, органик эритувчилар, қуёш нури ёғ ва мойлар таъсирига чидамли, аммо сувда бўкади. яхши қабул қилади, иссиқлик билан билан осон елимланади. Мўртлигини камайтириш учун селлофанга глитсерин билан ишлов бериб пластиклиги оширилади, керагидан ортиқ пластиклаш ёзув ва расмларни босишни қийинлаштиради.
Цэлофаннинг асосий камчилиги юқори даражадаги намлик ўтказувчанлигидир. Оддий селлофанга ўралган намлиги юқори бўлган озиқ-овқат маҳсулотлари сақлаш давомида намлигини йўқотади, юқори намликдаги ҳавода сақланаётган қуритилган маҳсулотлар намланади.
Буғ ва сув ўтказувчанлигини камайтириш ва иссиқликда пайвандланиш хоссаларини бериш учун целлофан винилиденхлорид, эпоксид смолалар асосида тайёрланган лаклар билан қопланади. Бундан ташқари оддий селлофан юзасига бир ёки икки томонидан нитроселлюлозадан (нитролак) тайёрланган плёнка билан қопланади. Лак қопламлари селлофаннинг сув ва буғ ўтказувчанлигини ўн мартагача камайтиради.
Сунъий манбалар асосида тайёрланган плёнка материаллар. Қадоқлашда ишлатиладиган сунъий материалларнинг кўпчилигини асосий занжирида углерод-углерод боғланиши мавжуд бўлган (масалан, полистирол, поливинилхлорид каби) енгил эрувчан органик полимерлар ташкил қилади. Булардан ташқари ярим органик полимерлар (масалан, полиэстер, полиамид) ҳам қўлланилади.
Сунъий материаллар плёнка ҳолида (қалинлиги 0,2 мм гача бўлганда) ва варақлар ҳолида (қалинлиги 1 мм дан катта бўлганда) фойдаланилади. Плёнкасимон материаллардан юмшоқ қадоқловчи материаллар, асосан халта ва халтачалар, варақсимон материаллардан қаттиқ, шаклини сақлаб тура оладиган қадоқловчи ва жойловчи идишлар тайёрланади. Қўйида сунъий материалларниг асосий хоссалари қисқача келтирилган.