Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Поливинилхлорид. Поливинилхлорид бир қатор ижобий хоссаларга: яхши кимёвий барқарорликка, унча катта бўлмаган газ, хушбўй ва ҳид ўтказиш хоссаларига эга. Бу материалнинг ёғ ва мойларга чидамлилиги улардан турли хил маҳсулотларни қадоқлашда фойдаланиш имконини беради. Поливинилхлориднинг салбий хоссаларни йўқотиш учун плёнканинг ички ва ташқи томонлари лак билан қопланади. Озиқ-овқат маҳсулотларини қадоқлаш учун плёнканинг фақат ташқи томони лак билан қопланишига рухсат этилади. Поливинилхлориднинг плёнкаси шаффоф, ялтироқ, силлиқ, ёзув ва расмларни яхши қабул қилади ва осон пайвандланади. Қалинлиги 0,3-0,8 мм бўлган плёнкадан одатдаги иссиқлик шарўлтида турли хил қадоқлаш қолиплари (стаканлар, банкалар) тайёрланади. Қалинлиги 0,015-0,040 мм бўлган плёнкалардан пайвандланган қопчалар тайёрланади.
Юқори ҳароратга бардошлилиги билан ажралиб турувчи юпқа плёнканинг янги турлари ҳам яратилган бўлиб, уларда маҳсулотларни стерилизатсиялаб қадоқлаш мумкин.
Поливинилидэнхлорид. Материал фақат полимер ҳолатида ишлаб чиқарилади. Унинг асосий сополимери бўлиб, плёнка ишлаб чиқаришга яроқли бўлган винилхлорид акрилнитрил ҳисобланади.
Плёнка юқори мустаҳкамликка, ўртача эластикликка, сув ва газ ўтказмаслик хоссаларига эга. Шунинг билан бирга поливинилхлорид қопловчи материал сифатида ҳам ишлатилади.
Полиамидлар. Полиамидлар асосий углерод занжирида -СО-НН- боғи билан боғланган гетероатомли полимерларга эга бўлади. Қадоқлаш материали сифатида полиамид ижобий хоссаларга эга: ёғлар, мойлар ва суюқ ишқорлар таъсирига чидамли. Уларнинг газ ва айниқса кислород таъсирига чидамлилиги юқори, аммо улар сув ва буғни ўтказиб, бу хоссаси уларнинг турига боғлиқ бўлади. Полиамидлар юқори механик мустаҳкамликка, эластикликка эга бўлиб, эскиришга чидамли. Озиқавий мақсадларга мўлжалланган қадоқлаш плёнкаси тайёрлаш учун пластификаторлар ва қўшимчалар қўшилмаган 6-11 турдаги полиамидлардан фойдаланилади. Полиамид плёнкаси асосан таркибий қисмлари яхши пайвандланадиган, намлик ва буғ ўтказмайдиган бошқа материаллар билан биргаликда қадоқлашда ишлатилади.