Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Алюминий фолгаси билан Комбинатциялар. Юмшоқ қадоқловчи материал сифатида фойдаланиладиган алюминийли фолга механик таъсирларга чидамсиз бўлади, баъзи бир озиқ-овқат маҳсулотлари билан таъсирлашади уни термик усулда пайвандлаб бўлмайди, шунинг учун у кўпинча бошқа материаллар билан Комбинацияланган ҳолда ишлатилади.
Комбинатциялашнинг энг оддий усули - бир ёки икки томонини лак билан қоплаб, фолганинг кимёвий турғунлигини ва герметиклигини таъминлаш ва термо пайвандлаш имконини яратишдир.
Маҳсулотни кучлироқ механик зўриқишлардан ҳимояла чун алюминий фолгасиқоғоз ёки синтетик плёнка билан Комбинатцияланади. Бу Комбинатцияда фолга маҳсулотни яхши ҳимоялайди, қоғоз қадоқлаш воситасининг қаттиқлиги ва мустаҳкамлигини таъминласа, елимловчи муҳит (силикат елим, сувли дисперсия, иссиқ эритма) эса герметиклигини, иссиқлик ва намликка бардошлилигини оширади.
Алюминий фолгасини плёнка билан бирлаштириш учун сунъий материаллардан кўпроқ полиэтилэндан фойдаланилади. Бу Комбинация термик пайвандланиш, ўртача механик мустаҳкамлик ва кимёвий турғунликка эга бўлиб, турли соҳаларда кенг қўлланилади. Сунъий материал сифатида полипропилендан фойдаланилганда ҳароратга бардошлилиги сезиларли ортади. Бундай қадоқлаш воситалари стерилизациялаш учун яроқли ҳисобланади.
Полипропилен билан пайвандланган юпқа алюмин варағи чуқур музлатиладиган маҳсулотлар учун ярим қаттиқ қадоқлаш воситалари тайёрлашда асосий материал ҳисобланади.
Кейинги йилларда уч қатламли Комбинатциялар: сунъий материал – алюминли фолга– сунъий материал кенг қўлланилмоқда. Ташқа қатламнинг плёнкаси сезгир алюминийли фолгани шикастланишдан сақлайди ва қаватлар орасига ёзув ва расмларни босиш имконини беради. Бу мақсадлар учун кўпинча полиестер ёки полипропилендан тайёрланган плёнкадан, баъзи ҳолларда эса поливинилхлорид ёки полиамиддан фойдаланилади. Маҳсулот билан таъсирлашадиган ички қатлам учун эса, осон пайвандланадиган полиэтилэн плёнкаси яроқли ҳисобланади.
Уч қатламли Комбинацияларнинг юқори герметиклиги асосан суюқ маҳсулотларни ва ёруғлик таъсирига сезгир бўлган маҳсулотларни вакуум остида ва инерт газ билан қадоқлашга қўйилган талабларига жавоб беради. Сунъий материалларни тўғри танланганда, маҳсулотларни стерилизациялаб қадоқлаш учун воситаларни ҳам тайёрлаш мумкин.
Баъзи ҳолларда тўрт қатламли Комбинациялар: плёнка-алюминий фолгаси-қоғоз-термо пайвандланган қопламадан фойдаланиш мақсадга мувофиқ бўлади.