Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Полиэтилэн.

Кўпгина ижобий хусусиятлари ва ишлаб чиқариш таннархининг пастлиги туфайли полиэтилэн бошқа сунъий материалларга нисбатан кенг қўлланилмоқда. Ишлаб чиқариш технологиясига кўра паст ва юқори зичликдаги полиэтилэн ишлаб чиқарилади. Юқори зичликдаги полиэтилэннинг физик-механик хоссалари ва иссиқликка бардошлилиги зичлиги паст полиэтилэнга қараганда юқорироқ бўлади. Полиэтилэн плёнка суюқ кислота ва ишқорларга чидамлилик хоссаларига ҳам эга. Хона ҳароратида полиэтилэн қаттиқ, зарарсиз (заҳарсиз), сувга чидамли ва юқори пайвандланиш хоссаларига эга бўлиб, булар полиэтилэнни турли озиқ-овқат маҳсулотларини қадоқлашда ишлатиш имконини беради. Полиэтилэннинг структураси аполяр бўлганлиги учун ёзув ва расмларни босиш дастлабки тайёргарликдан сўнг амалга оширилади. Зичлиги паст полиэтилэн сув ва буғ ўтказмаслик хоссаларига эга, аммо ёғ ва газларни ўтказиб юборади. Полиэтилэннинг кислород ва углерод икки оксидини ўтказиб юбориш хоссаларидан, сақлаш вақтида газ алмашинишини талаб қиладиган маҳсулотлари учун қадоқловчи материал сифатида ишлатиш имконини беради.

Маҳсулотларда ёғ бўлганда зичлиги кичик полиэтилэн плёнкаси бўкади, айниқса юқори хароратларда полиэтилэндан полимерларнинг паст молекуляр фракциялари ёғ таъсирида экстракцияланади. Шунинг учун таркибида ёғ бўлган маҳсулотларни полиэтилэнга қадоқлаш тавсия этилмайди.
Зичлиги паст полиэтилэннинг камчиликларидан яна бири ҳароратга бардошлилигининг пастлиги (90 °C) бўлиб, бу уни озиқ-овқат маҳсулотларини стерилизациялашда фойдаланиш имконини бермайди.
Зичлиги юқори бўлган махсус ишлов берилган полиэтилэн ёғ ва бошқа бирикмаларга чидамли, етарлича ҳароратга бардошли, маҳсулотларни жойлаб, бевосита қадоқланган ҳолда қиздириш имкониини беради.
Полипропилэн. Техник мақсадлар учун хоссалари билан полиэтилэнга яқин бўлган полипропилендан фойдаланилади. Полипропилен плёнкалар турли хил шаффоликда тайёрланади. Полиэтилэнга қараганда полипропиленнинг ҳарорат бардошлилиги юқори, совуққа чидамлилиги паст, кимёвий бардошлилиги бир хил, аммо полипропилен ёғ ва мойларга ҳам чидамли. Полипропиленнинг буғ ва газ ўтказувчанлик хоссалари зичлиги паст полиэтилэнга қараганда паст. Дастлабқи тайёргарликдан сўнг ёзув ва расмларни яхши қабул қилади, аммо пайвандланиш хоссалари полиэтилэнга қараганда паст. Юқори ҳароратларда полипропиленнинг фойдали хоссалари ёмонлашади.