Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Жойлаш қоғозлари. Жойлаш қоғозларнинг ўзига хос хусусиятлари бўлиб, уларнинг мустаҳкамлиги ва ўзгармаслиги, фойдаланганда эса, биринчи даражали аҳамиятга уларнинг маҳсулотни ҳимоялаши ҳисобланади. Шунинг учун, айрим ҳолларда, уларга махсус ишлов бериш орқали маҳсулотни механик таъсирлардан ҳимоялаш, намлик, ёғ ва мойларнинг ўтишидан сақлаш чоралари кўрилади. Қадоқлаш қозғозлари ишлаб чиқариш учун ёғга чидамли қоғозни ҳисобга олмаганда, паст навли оқланмаган целлюлозадан фойдаланилади.
Кўпинча ўровчи қоғоз сифатида 1 м² нинг массаси 40-200 г бўлган юқори мустаҳкамликка эга, қовушқоқликка чидамли бўлган сариқ-жигар рангли картон қоғоздан фойдаланилади. Бу қоғоз юқори эстетик талаблар қўйилмайдиган халталар, қопчалар, қадоқлаш қолиплари тайёрлашда яроқли ҳисобланади.
Оқланган целлюлозадан тайёрланадиган қоғознинг бошқа турлари чиройли кўринишга эга, флексографик босмани яхши қабул қилади, полиэтилэн ёки парафин, алюмин фолга билан комбинациялашади, машинада жойлашда қулай ҳисобланади.
Юпқа ўраш қоғози. 1 м² нинг массаси 12-30 г бўлган, бир томони силлиқ, очиқ рангли қоғоздан маҳсулотларни қўлда жойлашда фойдаланилади.
Зираворларни қадоқлашга мўлжалланган – бир томони машинада силлиқланган, хира, ўртача мустаҳкамликдаги қоғоз халталар ва қопчалар тайёрлашда ишлатилади. Бундан ҳам жозибали ва мустаҳкам қадоқлаш воситаларини тайёрлаш учун бир томони силлиқ, мустаҳкамлиги оширилган, аммо этарлича эгилувчанликка эга бўлган қадоқлаш қоғозидан фойдаланган маъқул. Таркибида ўсимлик ва ҳайвон ёғлари бўлган маҳсулотларни қадоқлашда махсус ёғга чидамли қадоқлаш (жойлаш) қоғози ва пергаментдан фойдаланилади.
Пергамент. ГОСТ 7933 га кўра зич мустаҳкам, ёғлар ва намликни ўтказмайдиган қадоқлаш қоғозидир. Пергамент юқори мустаҳкамликка эга, силлиқ, ярим шаффоф бўлиб, 1 м² нинг массаси 50-70 г ни ташкил қилади.
Пергаментнинг ўрнини босувчи - подпергамент ГОСТ 1341 га кўра сифати паст толалардан тайёрланади. Подпергаментнинг сув ва ёғга чидамлилиги пергаментга қараганда пастроқ. Подпергамент ушлаб кўрилганда шалдироқ, яхши елимланган, 1 м² нинг массаси 43-45 г ни ташкил қилади. Подпергамент алоҳида қадоқлаш учун ёки қоплар ва халталарнинг ички юзасини қоплаш учун ишлатилади. Техник қоғоз. Силлиқ, елимланган, 1 м² нинг массаси 50-70 г га тенг бўлган техник натрон қоғоздан қайта ишлаш ва тозалаш йўли билан қадоқлаш учун тайёрланган қоғоз ҳисобланади.