Ўзбекистон республикаси ва ўрта махсус таълим вазирлиги техника олий ўқув юртлари талабалари учун дарслик сифатида тавсия этилади

Ёғ-мой маҳсулотларини сақлаш омборлари.

Корхонанинг мой ва ёғ омборлари қуйидагиларни таъминлайди:

• 
  сутка ва йилнинг исталган вақтида мой ва ёғларни қабул қилиш ва жўнатиш;
  
• 
  мой ва ёғларни қабул қилиш, сақлаш ва жўнатишнинг барча жараёнларини механизатциялаштириш;
  
• 
  сақланаётган мой ва ёғларни қабул қилиб олиш, сақлаш ҳамда жўнатишда йўқотиш ва сарфлар минимал даражада бўлгани ҳолда, уламинг озиқа сифатларини максимал даражада сақлаб қолиш.
  

Бакларнинг зарурий ҳажми кўпгина омиллар билан белгиланади, уларга мой ва ёғлар ассортименти, ёғларнинг корхонадаги суткалик айланмаси, келиб тушиши ва жўнатилишидаги нотэкислик, шунингдек, корхона фаолиятининг турли томонлари билан боглиқ бошқа шарт-шароитлар киради. Ана шунга муволиқ корхона қуйидагиларга эга болиши керак:

• 
  темирйўл систерналарида ташиладиган ёғларни қабул қилиш ва жўнатиш учун тўкиш-қуйиш қурилмалари;
  
• 
  автосистерна ва бочкаларда ташиладиган ёғларни қабул қилиш ва жўнатиш учун тўкиш-қуйиш қурилмалари;
  
• 
  мой баклари;
  
• 
  темир йўл ва автомобил йўллари.
  

Қатор ҳолларда корхоналарнинг ўзида темир йўл ва автомобил систерналарини тозалаш учун ювиш-буглаш пунктлари мавжуд. Корхона ҳудудида алоҳида иншоот ва қурилмаларнинг жойлашиши маҳаллий шарт-шарўлтдан келиб чиқиб, турлича болиши мумкин. Баклар ёнғинга қарши ёриқларга риоя қилган ҳолда ўрнатилади. Бундан ташқари, қўшни иншоотларда авария ҳолати юзага келганда бакларга зарар етмаслиги ҳам кўзда тутилади. Ёнма-ён жойлашган иккита мой баки ўртасидаги энг кам масофа уларнинг энг каттаси диаметрининг ярмидан кичик болмаслиги зарур. Алоҳида турган мой баклари ва умумий ҳажми 10000 м³ дан ошмай- диган бак гуруҳлари жой релелини ҳисобга олган ҳолда яхлит ер кўтармаси, ёнмайдиган девор ёки иккаласи билан ҳам тўсилган бўлиши керак. Бу тўсиқлар мой бакларига зарар етганда ёғнинг корхона ҳудудига оқиб чиқишининг олдини олади.
Ер кўтармаси ёки девор мой бакларига зарар етганда қулаб кетмаслиги ва мой тўсиқдан ташқарига оқиб кетмаслигини ҳисобга олиб ўматилиши лозим. Ер кўтармаси ва тўсиқ девор ўз баландлиги бўйлаб зарар етган ва ағдарилиб кетган баклардан оқиб чиққан мойнинг динамик зарбасига бардош бериши керак. Кўтарма ёки девор баландлиги тўсилаётган майдон катталигини ҳисобга олиб белгиланади, тўсиқ баландлиги тўсилган баклардан оқиб чиққан ёғнинг кўтарилиши мумкин бўлган даражасидан 0,2 м баланд болиши, аммо 1 м дан паст болмаслиги лозим.
Мой баклари уларнинг ер сатҳидаги қисми ҳажмидан кичик болмаган ҳажмдаги чуқурликка жойлаштирилиши мумкин. Чуқурлик баландлиги 1 м дан паст болмаган тўсиқ билан ўралади.