Ўзбекистон республикаси қурилиш вазирлиги ўзбекистон республикаси

Композит ашёларни шишасимон чиқиндилардан олиш
Композит ашёлар олишда шишасимон чиқиндиларни ишлатилиши саноат корхоналарида жуда тез суръатда оммалашмоқда. Айрим давлатларда умумий чиқиндиларнинг 25-35% ини шиша чиқиндилари ташкил этади.
Шиша чиқиндиларни марказлашган ва ихтисослашган ҳолатда йиғиш атроф мухитни мухофаза килишда, ҳамда экологик муаммоларни ечишда катта аҳамиятга эга. Айниқса, қимматбаҳо шиша чиқиндилари асосий хомашёни тежашда, қурилишда шишасимон ашёларга бўлган эҳтиёжни қондиришда катта самара беради. Айрим хорижий давлатларда шиша ишлаб чиқаришга кетадиган хомашёни 90% ини шиша чиқиндилари ташкил этади. Масалан, АҚШ ва Канадада 30 га якин тажриба учун қурилган автомагистрал йўлларда ишлатиладиган тўлдиргичларнинг 50% ини шиша синиқлари ташкил этади. Бундай қўшилма йўлнинг чидамлилигини оширади.
Шиша чиқиндиларидан шишасимон пардозбоп ашёлар, йўл қурилишида ишлатиладиган қуйма шиша буюмлари ҳамда тўлдиргичбоп кўпик шиша доналари ишлаб чиқариш катта самара беради.
Ёруғлик қайтарувчи шиша шарчалардан фойдаланиш
Шиша микрошарчалар (микробисер) белги чизиғининг таркибий қисми ҳисобланади. Улар автомобиллар фанарларидаги ёруғликни акс эттиради ва манбага, яъни автомобилга қайтаради. Шу тарзда белги ҳайдовчи учун яққол кўринади ва йўл ҳаракатига халақит бермайди.
Йўл белгиларини ишлаб чиқаришдаги асосий талаб ёруғлик кайтарувчи ашёлардан фойдаланган ҳолда ишлаб чиқариш ҳисобланади.
Қопламага ёруғлик қайтариш хусусиятини шиша шарчалар беради, улар янги чизилган, суртилган йўл белгисининг устидан сепилади. Ҳали совуб улгурмаган қоплама устига шиша шарчалар сепилганда улар ўзининг ¾ диаметригача қопламага чўкади (11.16-расм).
Бўёқ қотгандан сўнг микрошарчалар юзага яхши ўрнашиб олган бўлиши керак. Автомобил фараларидан йўл белгиларига тушган ёруғлик микросфераларнинг ички қаватида қисман акс этади ҳамда ҳайдовчи томонга қайтади шу тарзда нур сочилиши эффектини беради. Йўл белгиларининг тунги вақтда яхши кўриниши учун шиша шарчалар бўёқга тўғридан тўғри қўшилади ёки белги чизувчи махсус машина ёрдамида сурилади.