Ўзбекистон республикаси қурилиш вазирлиги ўзбекистон республикаси

11.13-расм. Компьютерда безак берилган ойна тахта

Бунда қора, кумуш, олтин ва бронза ранглар ҳамда, шаффоф оқ полимер кўп ишлатилади. 24 соатдан кейин, яъни полимер билан қоплаш жараёнидан сўнг, контурлар орасидаги бўшлиқга ранг берилади.

Бўшлиқларни тўлдириш қўлда пипеткалар ёрдамида амалга оширилади, бунда сув асосида тайёрланган эмал бўёғи ишлатиш мумкин. Бўёқ ва контур куйдиришни талаб қилмайди, полимерлаш жараёни хона ҳароратида амалга оширилади.
Асос сифатида ҳар қандай қалинликдаги, шаффоф бўялган ёки хира ойна, қатламли ойна ёки сопол плиткалар ишлатилади. Бундай усулни қўллаш учун шарт-шароитлар яратиш зарур, чунки лок юзасига чанг тушса витражда нуқсон пайдо бўлади.
Уларни ташқи ва ички ойналарни безашда фойдаланиш мумкин. Бу витражлар мижоз талабига қараб бир томонлама ва икки томонлама бўлиши мумкин. Янги технологиялар витраж ишлаб чиқариш имкониятларини жуда кенгайтирмокда. Илгари витраж ойналар ҳашаматли ҳисобланарди, лекин ҳозир куйма (локланган) витражлар тайёрлаш усули билан ҳоҳлаган дизайн ғоясини рўёбга чикариш мумкин, нархи ҳам классик витраждан бир неча марта кам бўлади.
Силиконли мослашувчан янги "ақлли" ойна
Пенсилваниялик олимлар силиконли мослашувчан янги "ақлли" ойналар ишлаб чиқарди. Назар билан қараганда деразалар бу кунда қурилиш технологияларининг муҳим ва ажралмас қисмидир. Ҳеч кимга сир эмас, меъморий эстетикадан ташқари деразаларнинг атроф-муҳит билан ҳамнафаслиги ва энергия самарадорлиги - шамол, ёмғир, совуқ ва иссиқдан ҳимоя ва ёритиш вазифаларини бажариш билан боғлиқ. Шунинг учун олимлар ва ишлаб чикарувчиларнинг "ақлли" ойналарни қобилиятли қилиб яратишлари, ўзгарувчан эҳтиёжлар учун уларнинг хусусиятларини мослаштириш ва созлашлари ажабланарли эмас. Пенсилвания мактабининг муҳандислик ва амалий фанлари профессори Шу Янг бу соҳада биринчи кашфиётчилардан эмас, лекин у "ақлли" ойна яратиш билан бир вақтнинг ўзида тубдан янги ва жуда оддий ёндашув қилди.
Шаффоф силикон тахтага наноскопик шиша
Шаффоф силикон тахтага наноскопик шиша мунчоқларни сингдириш йўли билан асос чўзилганда хира бўладиган шаффоф янги ашё ишлаб чиқарилди. Бундай ашё иккита ойнанинг орасида сиқиб қўйилган бўлиб, уни деразада жалюзи сингари қўлда чўзса бўлади.