Ўзбекистон республикаси қурилиш вазирлиги ўзбекистон республикаси

11.14-расм. Янги аклли ойна

Тадқиқотчилар бу қизиқарли имкониятни шундай тушунтириб берадилар. Шиша мунчоқларининг акс этиш коэффициенти силикон ашёнинг хусусиятларига мос бўлса, тинч ҳолатда “аклли” ойна бутунлай шаффоф кўринади. Асос чўзилганда атрофида ҳаво пуфакчалари пайдо бўлади. Ҳавонинг акс этиш коэффиценти ойнаникидан фарқли, шунинг учун мунчоқлар кўриниб қолади ва ойна хира бўлиб қолади. Шунингдек, улар ишлаб чиққан технологиядан фойдаланиб “ақлли” ойналарнинг чўзилишидаги хиралик даражасини ва ёруғлик тўлқинларини (ультрабинафша ёки инфракизил нурларини) ўтказиш хусусиятини бошқариш имконини беради.

Тадқиқотчиларнинг такидлашича, ушбу ашё қуёш нурларини ютмасдан уларни қайтариб, юқори ҳароратларда ойнанинг иссикликдан ҳимоя қилиш қобилиятини оширади.
“Аклли” ойналарни тайёрлаш жараёни бошқа технологиялардан фарқли бўлиб, электр-сезгир кимёвий моддалардан фойдаланилади. Бунда, ойнанинг ёруғликни синдириш кўрсаткичини ўзгартириш натижасида унинг ранги ўзгартирилади.
Янги ТЕХНОАРТ технологияси асосида ишлаб чиқарилган ойнанинг юзасига ўта мустаҳкам полимер билан тасвир жойлаштирилади. У қотгандан сўнг манзарали бадиий ойна ҳосил бўлади. Сўнгра алоҳида берилган манзара бўлаклари рангли полимер билан тўлдирилади ва жилоланган тасвир ҳосил бўлади. Ишлатиладиган полимер ашёлар об-ҳавонинг ўзгарувчанлик шароитига, улътрабинафша нурларига, куёш таъсирига чидамли, ранги ўзгармайди.
Кумушсифат ойна ишлаб чиқариш
Кумушсифат ойна ишлаб чиқариш Ўзбекистон бозорида янги технология ҳисобланади (11.15-расм).
“Интергласс- Миррор ”кўзгу тош ойнаси юкори сифатли рангсиз ойна асосида ишлаб чиқарилади. Лазер нури ёрдамида сифати текширилади. Ёруғлик қайтариш коэффициенти 92 % дан юқори. Тош ойналар атмосферанинг зарарли муҳит таъсирига чидамли.
Ойнани сув билан кесиш

Ойнани сув билан кесиш мураккаб шаклдаги ашё ва буюмларни юқори босимда сув билан кесиш усули ёрдамида амалга оширилади. Бу усул ойна ва сопол, гранит ва мармардан тайёрланган барча полимер ашёларни, шу жумладан композицион пластиклар, иссиқликка бардошли пўлатдан ишланган мураккаб шаклдаги буюмларни кесишда кўлланилади.

Мустаҳкамлиги ўта юқори бўлган гранитни сув босимида қирқиб ва бошқа тошлардан ижодий санъат асарларини яратиш мумкин.