Ўзбекистон республикаси қурилиш вазирлиги тошкент архитектура-қурилиш институти

Кенгаш раиси Ғиёсов И.К.

Битирув олди амалиёти дастури “ Қурилиш материаллари,буюмлари ва конструкциялари технологияси” кафедрасининг 2022 йил “____”_______ даги ___ - сонли мажлисида маъқулланди ва факультет Кенгашида муҳокама қилиш учун тавсия этилди.

Кафедра мудири доц.Шакиров Т.Т.

КЕЛИШИЛДИ:

МЧЖ “Жаҳонгир сервис” заводи директори ____________Мирзохидов У.Х. ___________________2022 йил	МЧЖ ҚК “BINOKOR TEMIR-BETON SERVIS” заводи директори _______________ Шмелёв С Е. _________________2022 йил
“Aysel inshaat” МЧЖ ҚК заводи директори ________________Акрамов М.М. ___________________ 2022 йил	МЧЖ “Нодир кафеллар” ______________Келдияров Ш.Э. ___________________ 2022 йил
“Қўйлиқ кўприклар темир бетон қурилмалар” тажриба заводи УК _______________Жаббарберганов А. _________________2022 йил	“Betomax Beton” заводи МЧЖ директори ________________ Рахимов И. И. ___________________ 2022 йил

Кириш

Мустақиллик йилларида Ўзбекистонда қурилиш соҳаси тез суръатларда ривожланмоқда. Ҳозирги кунда республика ҳудудида кўплаб бино ва иншоотлар қурилиши объектлари (Тошкент Сity, Олмазор Сity), Хумо Аренаси, Ислом цивилизация маркази, Шайх Мухаммад Содиқ Мухаммад Юсуф номидаги Жомъе масжиди, Сергели туманидаги арзонлаштирилган турар-жой бинолари мажмуаси, Қўйлиқ, Сергели, Юнусобод туманларида қурилаётган ер усти метро объектлари ва шунга ўхшаш кўплаб қурилиш объектлари барпо этилмоқда.

Ўзбекистон Республикаси халқ хўжалигининг асосий тармоқлари қаторида қурилиш материаллари саноати етакчи рол ўйнайди. Бу ўз хом ашё базасига эга эканлигимиз, қурилиш материаллари, саноат ва уй-жой конструкцияларига бўлган юқори эҳтиёж ҳамда малакали мутаҳассисларнинг мавжудлиги билан белгиланади. Бетон ва темир-бетон маҳсулотлари ишлаб чиқаришни ривожлантириш учун қурилиш ишларини самарадорлиги ва сифати бўйича талаблар қўйилади. Буларни муваффақиятли равишда амалга ошириш учун, асосан материал ва конструкциялар ишлаб чиқаришни ривожлантириш, серметалл, қурилиш қиймати ва сермеҳнатлилигини, бино ва иншоотларни оғирлигини пасайтиришни таъминловчи ҳамда уларни қурилиш ва эксплуатация қилишдаги жами энергетик маблағлар сарфини камайтиришга эришиш керак. Амалиёт даврида талабалар амалий ва касбий кўникмаларни эгаллайдилар, жамоада ишлаш давомида таълим олаётган йўналишининг ўзига хос жиҳатларини ўрганадилар ва зарур билимларни эгаллайдилар. Замонавий биноларни ҳажмий тархий ва конструктив ечимлари ҳамда шу соҳадаги илмий ишларнинг янги илмий-техник ва ишлаб чиқариш ютуқлари билан танишадилар. Шунингдек, битирув олди амалиётида талабалар битирув малакавий иши мавзуси бўйича керакли материалларни тўплайдилар ва ўзини қизиқтирган барча замонавий бино ва иншоотларга оид тўлиқ материалларга эга бўладилар.
Мазкур битирув олди амалиёти соҳа иқтисодиётида бўлаётган ижобий ўзгаришлар, кириб келаётган янги инновацион технологиялар, янги қурилиш материаллари ишлаб чиқариш технологияси жараёни билан яқиндан танишишга ҳизмат қилади.