Ўзбекистон республикаси қурилиш вазирлиги тошкент архитектура-қурилиш институти

5. Талабаларни битирув олди амалиёт ўтиш жойларига тақсимлаш ва амалиёт раҳбарларини тайинлаш

Битирув олди амалиёт учун раҳбарликка ишлаб чиқариш билан яқиндан таниш профессор-ўқитувчилар ва юқори малакали мутахассислар жалб этилади.

Талабаларни битирув олди амалиёт ўтиш жойига тақсимлашда имкони борича улар ўқишни тамомлагандан сўнг, ишга бориши мумкин бўлган корхона (ташкилот)га юборилиши мақсадга мувофиқ ҳисобланади.
ТАҚИ ректори буйруғи билан амалиётга юбориладиган талабалар ва раҳбарлар тайинланади. Буйруқда амалиёт ўтказилиши муддатлари, амалиёт ўтиш корхонаси (ташкилоти) ва талабаларнинг етиб бориш муддати аниқ белгиланади.
Ҳар бир тайинланган раҳбар (профессор-ўқитувчи) амалиёт давомида мунтазам равишда амалиёт ўтиш жойида талабалар давоматини назорат қилиши шарт.

6. 
   Битирув олди амалиёти дастури бўйича амалиётни ўтиш босқичлари
   

Кафедра ва талабаларни қабул қилувчи (корхона, ташкилот) томонидан тайинланган амалиёт раҳбарлари билан биргаликда йиғилиш ўтказади. Йиғилишда режа жадвали ва амалиёт дастури билан тўлиқ таништирилади. Унинг мақсади, вазифалари ва мазмунига қўйиладиган талаблар, кўрсатмалар тўғрисида маълумиотлар берилади. Амалиётчи талабаларнинг иш режаларини тасдиқлаш, меҳнат ва фуқаро муҳофазаси йўриқномаси билан таништириш, техника хавфсизлиги қоидалари билан таништириш, объектларнинг тузилиши, фаолият йўналишларининг ўзига хосликлари, ички тартиб қоидалари ва фаолияти бўйича маълумотга эга бўлиши зарур ҳисобланади.

Асосий босқич:
1. Корхона ва ташкилот структурасидан келиб чиқиб, барча бўлимлар тўғрисида маълумотга эга бўлиши;
2. Барча зарур меъёрий-ҳуқуқий қоидаларни ўрганиши;
3. ТАҚИ ва ташкилотларнинг кутубхоналаридан фойдаланиши;
4. Корхона (ташкилот) бўлимлари орқали юклатилган вазифаларни юқори савияда сидқидилдан бажариши;
5. Битирув иши мавзуси бўйича маълумотларни жамлаш ва умумлаштириш;
6. Битирув иши мавзуси бўйича дастлабки ишчи лойиҳаларни ишлаб чиқиш;
7. Тушунтириш хатларининг бошланғич кўриниши тайёрлаш.
Якуний босқич:
1. Талабалар томонидан битирув олди амалиёти ўташ жараёнида қилинган ишларнинг натижалари таҳлил қилинади ва баҳоланади;
- Битирув иши мавзуси бўйича қилинган ишларга якуний хулосалар қилиш;
- Амалиёт раҳбари имзоси билан тасдиқланган тавсифномани кундаликда расмийлаштириш.