Ўзбекистон республикаси қурилиш вазирлиги тошкент архитектура-қурилиш институти

3. Битирув олди амалиётини ўтказиш учун танланган корхона ва ташкилотлар объектлари


Битирув олди амалиёти институт билан корхона ва ташкилотларни боғловчи асосий омил ҳисобланади. Бундай боғлиқликни янада ривожлантириш, рақобатбардош мутахассис кадрларни тайёрлаш услуби ва йўналишларини ташкил этишда, тайёрланаётган мутахассислар илмий-тадқиқот салоҳиятини оширишда ва ўқув-илмий ишлаб чиқариш мажмуаларини тузишда алоҳида аҳамият касб этади.
5340500 –Қурилиш материаллари, буюмлари ва конструкцияларини ишлаб чиқариш таълим йўналишида битирув олди амалиётни ўтишда корхона ва ташкилотлар қуйидагилар ҳисобланади:

• 
  “Жаҳонгир сервис” МЧЖ
  
• 
  “Betomax-beton” заводи МЧЖ
  
• 
  “BINOKOR” темир-бетон сервис
  
• 
  заводи ҚК МЧЖ
  
• 
  “Нодир кафеллар” МЧЖ
  
• 
  “Қўйлиқ кўприклар темир-бетон
  
• 
  қурилмалар тажриба” заводи УК
  
• 
  “Aysel inshaat” МЧЖ ҚК заводи
  

• 
  Шартнома асосида бошқа корхона ва ташкилотлар.
  

4. Талабаларнинг амалиёт ўтишлари учун танланган корхона ва ташкилотлар билан шартномалар тузиш

Битирув олди амалиётни ташкил этиш ва ўтказиш учун ТАҚИ корхона ва ташкилотлар билан ўзаро шартномаларини тузишлари ва улар амалиёт базалари деб ҳисобланиши керак.

ТАҚИ ва корхона (ташкилот) ўртасида тузилган шартнома талабаларнинг амалиёт ўтишларида асосий ҳужжат ҳисобланади.
Шартнома асосида ТАҚИ томонидан битирув олди амалиёт ўтказилиш муддатлари, жойи ва тайинланган раҳбари (профессор-ўқитувчи) кўрсатилиб буйруқ берилади.
Корхона (ташкилот) раҳбари талабаларнинг амалиёт ўтиши бўйича буйруқ чиқаради. Унда амалиётни ташкил этиш ва ўтказиш қоидалари, дастур асосида амалиёт ўтувчиларга шарт-шароит яратиш тадбирлари, меҳнатни муҳофаза қилиш, талабаларни корхона (ташкилот) ички тартиб-қоидаларига амал қилишлари кўрсатилади ва корхона (ташкилот) томонидан амалиёт раҳбари тайинланади.