Ўзбекистон республикаси қурилиш вазирлиги тошкент архитектура-қурилиш институти

7. Битирув олди амалиётни ўташ даврида бажариладиган ишлар

Амалиётни ўташ давомида талаба ҳар куни ўрганиш ишларидан ва чизиладиган ишларни бажариш жараёнигача кундаликда акс эттириб боради. Кундаликда ТАҚИ томонидан ва амалиёт ўташ (корхона, ташкилот) жойидан тайинланган раҳбарлар томонидан имзо орқали тасдиқланган талабанинг якуний ишлаб чиқариш-ижтимоий тавсифномаси мавжуд бўлиши лозим.

Битирув олди амалиёти учун бош ҳужжат ҳисобланган кундаликни юритиш (илова этилади) ўз ичига қуйидагиларни қамраб олади:
- амалиёт кундалигининг титул варағини тўлдириш;
- амалиёт даврида талаба кунлик олиб борилган ишларни календар режа асосида қайд этиб бориш;
- амалиёт якунида раҳбар томонидан талаба ҳақида тавсифнома ёзиб бериш ва кафедра мудири томонидан тасдиқлаш (1-жадвал).
1-жадвал
КАЛЕНДАР РЕЖА

№	Ҳафталар ва кунлар	Битирув олди амалиёти объектлари ва бажариладиган ишлар мазмуни	Бажариш шакллари	Ҳажми, соатда
1	I-хафта 1-кун	Талабаларни иш режаларини тасдиқлаш. Меҳнат ва фуқаро муҳофазаси йўриқномасини таништириш. Техника хавфсизлиги қоидалари билан таништириш.	Суҳбат ўтказилади, танишув	3
2	2-кун	Ташкилот ички тартиб қоидалари ва фаолияти бўйича маълумотга эга бўлиш.	Суҳбат ўтказилади, танишув	3
3	3-кун	Ҳар бир амалиётчи талабаларни ташкилотнинг бўлимларига тақсимлаш. Ҳар бир амалиётчи талабаларни масъулларни белгилаш. Ишчи лойиҳаларни ишлаб чиқиш бўйича мутахассисларнинг иши билан танишиб чиқиш.	Иш ўрганиш, маслаҳат олиш	3
4	4-кун	Ишлаб чиқариш корхонаси ёки заводлар фаолиятлари тўғрисида умумий маълумотлар таништириш.	БМИ иши учун маълумот тўплаш	3
5	5-кун	Корхонанинг маҳсулот номенклатураси билан танишиш ва ўрганиш. Корхонанинг хом ашёни қабул қилиш жараёни ўрганиш	БМИ иши учун маълумот тўплаш	3
6	6-кун	Корхонанинг хом ашёвий омборлари билан танишиш ва ўрганиш.	БМИ учун материал йиғиш	3
7	II-хафта 1-кун	Цемент омбори (силосларни) ўрганиш ва лойиҳалаш. Тўлдирувчилар омборини ўрганиш ва лойиҳалаш.	БМИ учун материал йиғиш	3
8	2-кун	Бетон қориш цехини ўрганиш ва лойиҳалаш. Бетон қоришмасини ташувчи мосламалар билан танишиш.	БМИ учун материал йиғиш	3
9	3-кун	Корхонанинг қолиплаш цехи блан танишиш ва ўрганиш. Қолиплаш цехини лойиҳалаш.	БМИ учун материал йиғиш	3
10	4-кун	Қолиплаш усуллари билан танишиш ва лойиҳалаш.	БМИ учун материал йиғиш	3
11	5-кун	Амалиёт даврида олинган маълумотлар бўйича (ишлаб чиқариш корхонаси фаолияти, маҳсулот номенклатураси, хом ашёни қабул қилиш жараёни ҳақида) ҳисобот ёзиш.	БМИ учун материал йиғиш	3
12	6-кун	Амалиёт даврида олинган маълумотлар бўйича (бетон қориш цехи, миқдорловчи ускуналар, бетон қоришмасини ташувчи мосламалар ҳақида) ҳисобот ёзиш.	БМИ учун материал йиғиш	3
13	III-хафта 1-кун	Арматура цехининг фаолияти билан танишиш. Арматура тури ва маркасини аниқлаш.	БМИ учун материал йиғиш	3
14	2-кун	Материалга иссиқлик ишлов бериш жараёни билан танишиш. Иссиқлик ишлов бериш режимини аниқлаш.	БМИ учун материал йиғиш	3
15	3-кун	Корхонанинг тажриба хоналарини билан танишиш.	БМИ учун материал йиғиш	3
16	4-кун	Намуналарни тайёрлаш ва синаш жараёни билан танишиш.	БМИ учун материал йиғиш	3
17	5-кун	Тайёр маҳсулотларни қолипдан бўшатиш. Тайёр маҳсулотларни пардозлаш ва сифат назоратини текшириш.	БМИ учун тегишли маълумотни ўрганиш	3
18	6-кун	Белгиланган мавзу бўйича қурилиш меъёрий ва ҳуқуқий ҳужжатларни ўрганиш. Мавзуга оид бўлган қонунлар, асосий адабиётлар ва интернет сайтлари рўйхатини тайёрлаш.	БМИ учун тегишли маълумотни ўрганиш	3
19	IV-хафта 1-кун	Корхонанинг йиллик режаси билан танишиш ва ўрганиш.	БМИ учун тегишли маълумотни ўрганиш, қўшимча маълумот олиш	3
20	2-кун	Корхонанинг технологик ва бошқа бўлимлари билан танишиш. Корхонанинг умумий майдонини лойиҳалаш.	БМИ учун тегишли маълумотни ўрганиш, қўшимча маълумот олиш	3
21	3-кун	Амалиёт даврида олинган маълумотлар бўйича (корхонанинг йиллик режаси, технологик ва бошқа бўлимлари, корхонанинг умумий майдонини лойиҳалаш ҳақида) ҳисобот ёзиш.	БМИ учун тегишли маълумотни ўрганиш	3
22	4-кун	Мавзу бўйича тарзларни таклиф лойиҳаларини тайёрлаш. Лойиҳа ишининг тушунтириш хати мундарижасини шакллантириш.	БМИ учун тегишли маълумотни ўрганиш	3
23	5-кун	Йиғилган умумий маълумотларни жамлаш.	Ҳисобот ва кундаликни расмийлаш-тириш	3
24	6-кун	Жамлаланган умумий маълумотларни асосида Битирув олди амалиёти бўйича ҳисобот тайёрлаш. Амалиёт кундалигини тўлиқ расмийлаштириш.	Ҳисоботни комиссия олдида ҳимоя қилиш	3
Жами:				72

8. Меҳнатни муҳофаза қилиш ва техника хавфсизлиги

Амалиёт бошланишидан аввал талабаларга техника хавфсизлиги бўйича махсус йўриқномани кафедра томонидан тайинланган амалиёт раҳбари ўқиб беради ва уни кафедрадаги махсус журналга расмийлаштиради. Талабалар объектларга боргач, амалиёт ўтиладиган жойда меҳнатни муҳофаза ва техника хавфсизлиги бўлими ходимлари томонидан тушунтириш ишлари олиб борилади ва журналга расмийлаштирилади. Техника хавфсизлигини тушунтириш ва назорат қилиш кафедра томонидан тайинланган амалиёт раҳбари зиммасига юклатилади.

9. Якуний қоидалар

Битирув олди амалиёт даврида ҳар бир талаба танланган корхона ва ташкилотларнинг ички тартиб-қоидаларини тўла бажарган ҳолда амалиёт дастурида кўрсатилган барча топшириқларни ишлаб чиқаришнинг муайян шарт ва шароитлари билан боғлаган ҳолда ўз вақтида бажариши шарт ҳисобланади.

Талаба ўзига юклатилган вазифаларни ўз ҳоҳишича ўзгартирмаслиги ва белгиланган муддатда бажариши керак.
Талаба битирув олди амалиёти ҳисоботи устида мунтазам ишлаши ва амалиёт якунига келиб ҳисоботни тайёрлаши ва кафедрада ҳимоя қилиб, топшириши лозим.


10. Талабалар битирув олди амалиётлари натижаларини
якунлаш

Битирув олди амалиёти тугагач талабалар ҳисоботни расмийлаштирадилар ва ТАҚИ ректори буйруғида белгиланган муддат ичида ҳисоботни топширадилар. Умумий баҳода талаба бажарган барча ўрганиш ишлари ва ҳисобот кўринишларини, асосий ишдан бўш вақтлардаги чора-тадбирларда талабанинг фаол иштирокини, тақдимотни фото расмлар билан бойитилганлиги, аниқ ва намунали бажарилиш сифати, кундаликда акс эттирилган раҳбарнинг тавсифномаси эътиборга олинади.

Амалиёт якунида белгиланган комиссия олдида талабалар ўз ҳисоботларини ҳимоя қиладилар. Комиссия таркибига курсни олиб борувчи профессор-ўқитувчилар киритилиши мумкин.
Амалиёт якуни кафедра мажлисида ва факультет Кенгашида муҳокама қилинади.