Ўзбекистон республикаси қурилиш вазирлиги тошкент архитектура-қурилиш институти

12. Битирув олди амалиёти бўйича ҳисоботга қўйиладиган талаблар

Битирув олди амалиётни ўташ давомида талаба ҳар куни кундаликни бажариладиган ишлар турлари билан тўлдириб боради. Кундаликда кафедра ва корхона (ташкилот)дан тайинланган амалиёт раҳбари томонидан имзо орқали тасдиқланган талабанинг якуний тавсифномаси мавжуд бўлиши лозим (кундаликнинг намунавий шакли иловада келтирилган).

Битирув олди амалиёти бўйича бош ҳужжат сифатида кундалик ўз ичига қуйидагиларни олади ва битирув олди амалиёт бўйича ҳисоботни қуйидагиларни ёзиш учун асос бўлиб хизмат қилади:
- иш жойида талаба бажарган ишларнинг қисқача рўйхати, у ўз ичига объектнинг умумий тавсифи, шунингдек ҳисобот ичига талаба мустақил равишда бажарган чизмаларнинг 2-3 та нусхаларини кўрсатади;
- асосий ишдан бўш вақтларда амалга оширилган ўрганиш-изланишлар, тингланган маърузалар, ўтказилган суҳбатлар, бошқа чора-тадбирларни мос ҳолда конспектлаш, фотосуратларга олиш ва хулосалар билан бериладиган қисқача рўйхати;
- битирув олди амалиётининг танлаб олинган мавзуси бўйича қисқача ҳисобот (дастлабки материалларни йиғиш).
Амалиёт ҳисоботи таркиби қуйидагилардан иборат:

1. 
   Кириш;
   
2. 
   Асосий қисм;
   
   1. 
      Амалиёт ўтиладиган корхона ёки ташкилот тузилмаси ҳақида маълумот;
      
   2. 
      Битирув малакавий иши мавзусининг долзарблиги ҳақида;
      
   3. 
      Битирув малакавий иши бўйича йиғилган материаллар таҳлили.
      
3. 
   Якуний хулосалар.
   
4. 
   Фойдаланилган адабиётлар рўйхати ва интернет сайтлари.
   

Битирув олди амалиёт ҳисоботи матни А4 форматдаги офсет қоғозда чап томондан 3 см, юқори ва пастдан 2 см ва ўнг томондан 1,5 см қолдирган ҳолда компьютер дастурларидан фойдаланган ҳолда тушунарли тарзда имло хатосиз ёзилиши керак. Талаба ҳисобот матнида кафедра ва корхона (ташкилот)дан тайинланган амалиёт раҳбарларининг дастурда кўзда тутилган ишларга оид барча топшириқларини бажариши ҳамда ҳисоботга тегишли ҳужжатларни ўз вақтида расмийлаштирган бўлиши зарур.

13.