Ўзбекистон республикаси қурилиш вазирлиги тошкент архитектура-қурилиш институти

Коагульяция ва флокульяция.
 
Кўз илғамас катталикдаги коллоид 
суспензиялар заррачаларининг сув тубига ўз оғирлиги билан чўкишини 
тезлатиш учун энг аввал, уларни йириклаштириш керак. Ана шу мақсадда 
системага маълум заряд қийматига эга бўлган заррачалар - коагулянт 
моддалар қўшилади. Одатда, эритмадаги коллоид заррача зарядига тескари 
зарядли кўп валентли ионлар қўшиб, заррачалар коагульяцияга учратилади. 
Ион валенти қанча юқори бўлса, унинг коагульяциялаш хоссаси ҳам юқори 
даражада бўлишлигини «Шульц-Гарди қоидаси» деб аталади. 
Сув муҳитида коагульяция моддалари гидролизланиб, қайта 
ишланадиган оқова сувнинг физик-кимёвий хоссаси, рН, солиштирма электр 
ўтказувчанлиги ва бошқа кўрсаткичларини ўзгартиради. Коагулянтлар 
ноорганик ва органик бирикмалар бўлиши мумкин. 
Ноорганик коагулянтларга, мисол қилиб, темир ва алюминий тузлари 
(сульфат ва хлор билан ҳосил қилган)ни кўрсатиб ўтиш мумкин. Гидролиз 
жараёни оқибатида темир ва алюминий ионларининг чўкмага тушадиган 
гидрооксидлари ҳосил қилинишига сабаб бўлади. Муҳитда эса, ортиқча 
мусбат зарядли Н ионлари кўпаяди ва улар воситасида коллоид дисперс 
заррачалари йириклашиб, сўнгра седиментация жараёнига тезроқ учрайди. 
Бунда муҳитнинг рН кўрсаткичини доим назорат қилиб туриш зарур. 
Амалиётда янги тайёрланган актив ҳолдаги кремний кислотаси ҳам 
коагулянт сифатида ишлатилиши маълум. Бу усул воситасида ҳозир ҳам 
ичимлик суви тайёрлашда, ортиқча металл ионлари (масалан, алюминий) 
ушлаб қолинади. 

---

139 
Органик коагулянт (ёки флокулянт) сифатида айниқса, кейинги 
йилларда бир қатор полимер моддалар ишлатилмоқда. Уларнинг кўп 
технологик афзаллиги бор. Коагулянт хоссасига эга бўлган, яъни 
ионланадиган, полимерларни кўпинча полиэлектролитлар деб юритилади. 
Улар анионли, масалан, қисман сода билан гидролизланган полиакриламид: ва 
занжирли молекуласида мусбат электр зарядга эга бўлган амин, имин ёки 
аммонийли гуруҳларни ту-тувчи катионли: полиэтиленимин ва поливи 
ниламиннинг аралашма би рикмасидир. 
Оқова эритмага тушган қарама-қарши зарядли ионли молекула коллоид 
заррани нейтраллайди ва системанинг потенциалини пасайтиради. Натижада 
коллоид заррачалар барқарорлиги пасаяди. Коагульяцияга тез учраб, чўкиши 
интенсивлашади. 
Кўпинча оқова сув таркибидаги коллоид заррачаларнинг йириклашиш 
жараёнлари “агломерация” деб ҳам аталади. Хуллас, анча катта заррача - 
гранулалар ҳосил бўлиб, уларнинг седиментация қобилияти ортади.