Ўзбекистон республикаси транспорт вазирлиги тошкент давлат транспорт университети

Zaxira rezervuarini ta’mirlash
Zaxira rezervuari to‘liq texnik ko‘rikdan, shu jumladan gidravlik sinovdan kamida to‘rt yilda bir marta me’yoriy hujjatlarga muvofiq o‘tkaziladi.
Zaxira rezervuari to‘liq texnik ko‘rikdan o‘tish vaqti vagonning kelgusi rejaviy ta’miri kelguncha tugamasa to‘g‘ridan-to‘g‘ri vagonni o‘zida qisman texnik ko‘rikdan o‘tkaziladi.
Zaxira rezervuarlari qisman texnik ko‘rikdan o‘tkazish zaxira rezervuarining mexanik va korroziyali shikastlanishini aniqlash uchun amalga oshiriladigan tashqi tekshiruvni o‘z ichiga oladi.
Zaxira rezervuarlari qisman texnik ko‘rikdan o‘tkazishda zaxira rezervuarini tashqi tomondan texnik holati tekshirilib chiqiladi. R7-78 Zaxira rezervuarining yuza qismida chuqurligi 5mm dan ko‘p bo‘lmagan bir biridan 45 mm uzoqlikda joylashgan 3 tagacha ezilish ruxsat etiladi, elektrpayvandlangan joylardan tashqari joylarda.
Zaxira rezervuarining yuza qismida umumiy maydoni 0,24 m² ko‘p bo‘lmagan va chuqurligi 0.3 mm gacha bo‘lgan yeyilish ruxsat etiladi.
R7-135 Zaxira rezervuarining yuza qismida chuqurligi 5 mm dan ko‘p bo‘lmagan bir biridan 60 mm uzoqlikda joylashgan 3 tagacha ezilish ruxsat etiladi, elektrpayvandlangan joylardan tashqari joylarda.
Zaxira rezervuarining yuza qismida umumiy maydoni 0,32 m² ko‘p bo‘lmagan va chuqurligi 0,3 mm gacha bo‘lgan yeyilish ruxsat etiladi.


Ishchi kamerani ta’mirlash
Ishchi kamerani texnik holati tekshirilib chiqiladi. Ishchi kamera 4 dona M20 bolti, prujinali shayba ochilib tojli gayka bilan maxkamlangan bo‘lishi kerak, yaroqsiz boltlar almashtiriladi, bo‘shaganlari qotirib maxkamlanadi.
Havotaqsimlagich asosiy qismi yuza tekisligi bilan holat valigini ish yuzasigacha bo‘lgan masofa 295. 001 rusumli kamerasida yuklash “Г” holatida 80+1 mm, o‘rta “С” holatida 87+1 mm, yuksiz “П” holatida -98mm kam bo‘lmasligi kerak. 295M. 001 va 295. 002 rusumli kameralarida yuklash holatida “Г” 80+1 mm. o‘rta “С” holatida 85+1 mm, yuksiz “П” holatida 98 mm kam bo‘lmasligi kerak.
Filtr va chang tutuvchi to‘rlar rejali ta’mirda yangisiga almashtiriladi, Yangi filtr va chang tutuvchi to‘rlar oldindan purkalanib keyin qo‘yiladi.
Filtirni o‘tirish o‘rni nazorat qilinishi kerak.
Kamerani yig‘ishda valikni ishqalanuvchi qismlari JT-79L moyi bilan yupqa qilib surtiladi. Rezba tiqini zichlanishi zarur.

2.