Zbekiston respublikasi tashqi ishlar vazirligi jahon iqtisodiyoti va diplomatiya universiteti

Respublikadagi Ilmiy-tadqiqot olib boriladigan tashkilotlar

Ilmiy-tadqiqotlar olib boriladigan tashkilot nomi	Soni
O’zbekiston Respublikasi Ilmlar Akedemiyasi Ilmiy-Tadqiqot Institutlari	45
Oliy va O’rta Maxsus Ta’lim Vazirligi O’quv Muassasalari	36
Sog’liqni Saqlash Vazirligi Ilmiy Tashkilotlari	34
Qishloq va Suv Xo’jaligi Vazirligi Ilmiy va Oliy O’quv Muassasalari	30
Ilmiy va Innovatsion Markazlar	79

Manba: Jadval muallif tomonidan O’zbekiston Respublikasi innovatsion rivojlanishining 2012-2020-yillarga mo’ljallangan Konsepsiyasi ma’lumotlari asosida tuzilgan.

Bundan tashqari yuqorida sanab o’tilgan tashkilotlarga qarashli bo’lmagan boshqa loyiha, tajriba-konstruktorlik tashkilotlarda ham ilmiy izlanishlar, tadqiqotlar olib boriladi.

3.2.1.-rasm. O’zbekistonning ilmiy salohiyati – ilm-fan rivojlanishida faoliyat olib borayotgan mutaxassislar soni.⁴⁰

O’zbekistonning yana bir ustunlik tomoni, aholining ta’lim va ilmiy salohiyatining Markaziy Osiyoning boshqa davlatlariga nisbatan yuqoriligidadir. Ta’lim darajasi bo’yicha O’zbekiston jahonning rivojlangan davlatlari bilan bir qatorda turadi. Respublikada ta’lim sohasida olib borilayotgan dastur, uning bosqichma-bosqich va uzluksizligini ta’minlab kelmoqda. O’zbekistonda ta’lim sohasiga davlat xarajatlari YaIMning 10 %idan yuqori qismi ajratiladi, bu ko’rsatkich nafaqat Markaziy Osiyo balki, Yevropaning bir qator davlatlari ko’rsatkichlaridan ham yuqoridir.

Endilikda olimlarimiz o'z tadqiqotlarini iqtisodiyot va jamiyatning aniq ehtiyojlariga yo'naltirmoqdalar, xo'jaliklar esa ularning innovatsiya faoliyatini moliyaviy jihatdan qo'llab-quvvatlashdan manfaatdor bo'ladilar. Chunki bu faoliyat natijalarini joriy qilish ular ishlab chiqaradigan mahsulotning raqobatbardoshligini oshiradi. Ushbu jarayonda foydalaniladigan ilmiy-texnologik yangilikni o'zlashtiradigan va shu asosda raqobatbardosh mahsulot ishlab chiqaradigan korxonalar, ishlab chiqarilgan mahsulotni sotish haqida aniq ma'lumotlar berish innovatsiya faoliyati ishtirokchilarining asosiy vazifalari sirasiga kiradi.
Bundan tashqari mamlakatimizda “Texnologiyalar transferi agentligi” davlat unitar korxonasi tashkil etilgan bo’lib, uning asosiy vazifalari va faoliyat yo’nalishining bosh maqsadi innovatsion loyihalarni ishlab chiqish va ishlab chiqarishga joriy etishdir.⁴¹ Bundan tashqari uning vazifalari sirasiga quyidagilar kiradi:

• 
  innovatsion texnologiyalarni, shu jumladan, xorijiy innovatsion texnologiyalarni mustaqil ekspertizadan o'tkazish, moslashtirish va mamlakatimiz amaliyotiga joriy etish;
  
• 
  ilmiy-texnik ishlanmalarni tijorat sotuvi ob'ekti sifatida ishlab chiqarishga joriy etish loyihalarini tuzish va amalga oshirish;
  
• 
  ilmiy-texnik ishlanmalar natijalarini tijoratlashtirish sohasida xalqaro ilmiy-texnik hamkorlikni amalga oshirish;
  
• 
  Milliy texnika va texnologiyalarni tashqi bozorga olib chiqishga ko'maklashish;
  
• 
  Ilmiy-texnik mahsulotlarni joriy etish bo’yicha marketing tadqiqotlari olib borish;
  
• 
  Ilmiy-texnik innovatsion ishlanmalarni tadbiq qilish va tijoratlash sohasidagi mutaxasasilarni o'qitish va ularning malakasini oshirish;
  
• 
  Innovacion loyihalarni ishlab chiqish va amalga oshirish bo'yicha konsalting xizmatlari ko'rsatish va boshqalar.
  

Ushbu mavjud imkoniyat va shart-sharoitlarda foydalangan holda mamalakatimizda innovatsion rivojlanishda jahon tajribasidan samarali qo’llanish, ularni amaliyotga tatbiq etish maqsadida mahalliylashtirish, ya’ni o’z sanoatimizga moslashtirish, orqali o’z MITimiznituzishimiz mumkin.