Zbekiston respublikasi tashqi ishlar vazirligi jahon iqtisodiyoti va diplomatiya universiteti

3.3. O’zbekistonda innovatsion iqtisodiyot rivojlanish istiqbollari va yo’nalishlari.

Hozirgi vaqtda mamalakatimizda uning Milliy Innovatsion Tizimi qanday bo’lishi kerakligi haqida muzokaralar, tadqiqotlar olib borilmoqda. Bir qator iqtisodchilarimizning fikricha, O’zbekistonning MITi eng kamida uch darajali strukturadan iborat bo’lishi kerak⁴²:

• 
  Eng yuqori daraja, Oliy Majlis, Iqtisodiyot Vazirligi, Vazirlar Mahkamasining ilm-fan va texnologiyalarni rivojlanishini koordinatsiyalovchi Komiteti tomonidan davlat siyosati va rivojlanish dasturini ishlab chiquvchi bosqich;
  
• 
  Ijro darajasida, tashkilotlar, vazirliklar va boshqarmalar ( masalan, Mol-mulk Davlat Komiteti, Moliya Vazirligi, yirik korporatsiyalar va b.) o’z boshqaruv va sohaviy darajalarida davlat dasturini amalga oshirishda chora-tadbirlar ijrosini ta’minlovchi bosqich;
  
• 
  Uchinchi darajada, innovatsion faoliyatni boshqaruvchi, moliyalashtiruvchi va yordam ko’rsatuvchi to’g’ridan-to’g’ri infrastrukturalarni (Oliy ta’lim muassasalari, ilmiy institutlar, texnoparklar, ishlab chiqaruvchi korxonalar, fondlar, kichik va o’rta bizneslar va b.) o’ziga oluvchi bosqichlardir.
  

O’zbekiston Respublikasi Innovatsion Rivojlanishi dasturi BMT Rivojlanish Dasturining (ПРООН) “Innovatsion siyosat va texnologiyalar transferida ko’mak” loyihasida 2012-2020-yillarda O’zbekistonda innovatsion Iqtisodiyotni rivojlantirishning bosh maqsadi etib, uzoq muddatli davrda,xorijiy ilmiy potensial va texnologiyalarni mahalliy qayta ishlash va moslashtirish orqali ishlab chiqarishga joriy etib raqobatbardosh mahsulot va xizmatlarni taklif etuvchi, mamlakat iqtisodiyotini modernizatsiya qilishda asosiy vazifalarini amalga oshirishga yo’naltirilgan ochiq tipdagi innovatsion tizimni yaratish, deb berilgan.
Ushbu Konsepsiyada 2012-2020-yillar uchun prognozlar ham berilgan bo’lib quyidagi jadvalda iqtisodiyot rivojlanishiga yo’naltirilgan maqsadlari MITni tashkil etishda intensiv o’sish sharoitlari va omillaridan kelib chiqqan holda tuzilgan.
3.3.1.-jadval