Zbekiston respublikasi tashqi ishlar vazirligi jahon iqtisodiyoti va diplomatiya universiteti

KIRISH

Har kimga ilmiy va texnikaviy ijod erkinligi, madaniyat yutuqlaridan foydalanish huquqi kafolatlanadi. Davlat jamiyatning madaniy, ilmiy va texnikaviy rivojlanishiga g’amxo’rlik qiladi.
O’zbekiston Respublikasi Konstitutsiyasi 42-moddasi.

Ushbu kurs ishi “Jahon iqtisodiyotining globallashuvi sharoitida O’zbekistonda innovatsion iqtisodiyotni shakllantirish va rivojlantirish istiqbollari” mavzusida jahon iqtisodiyoti fanidan yozilgan.

Kurs ishining dolzarbligi: Hozirda rivojlangan va rivojlanayotgan mamlakatlarda jadal sur’atlar bilan ishlab chiqarishda foydalanilayotgan texnika-texnologiyalar faqatgina moddiy, moliyaviy tomondan emas balki, bilim va ilmiy tajribalar asosida takomillashtirilyapti. Innovatsiyalarning ishlab chiqarish va sanoatda, umuman iqtisodiyotning barcha sohalarida samarali foydalanish har bir mamlakat oldida turgan asosiy vazifalardan biridir. Har bir mamlakat o’z innovatsion rivojlanish tizimini tashkil etar ekan, o’z imkoniyat va shart-sharoitlaridan kelib chiqqan holda, avvalo iqtisodiyotida innovatsiyalarni rivojlantirish modelini qurib oladi. Bunday tizimdan foydalanish orqali esa rivojlanishning postindustrial bosqichiga ko’tarilish, mamlakat iqtisodiy rivojlanishini ta’minlash, uning asosida aholi turmush darajasini yaxshilash mumkin.
Kurs ishining maqsadi: O’zbekiston innovatsion iqtisodiyotini shakllantirishda jahon tajribalaridan foydalanish va innovatsion iqtisodiyot tizimini rivojlantirish istiqbollari va yo’nalishlarini belgilash.
Kurs ishining vazifalari: ushbu kurs ishini yozishda quyidagi vazifalar belgilab olindi:

1. 
   Innovatsion iqtsidoiyotni rivojlantirishda jahon tajribalarini o’rganish;
   
2. 
   Milliy Innovatsion Tizimni tashkil etishda asosiy yo’nalishlarni aniqlab olish;
   
3. 
   Mamlakatda mavjud iqtisodiy-innovatsion o’sishga to’sqinlik qiluvchi muammolarni bartaraf etish;
   
4. 
   O’zbekiston sharoitida innovatsion rivojlanish modelini shakllantirish imkoniyatlarini o’rganish;
   
5. 
   Respublikada innovatsion iqtisodiyotni rivojlantirish istiqbollarini ko’rib chiqish.