Zbekiston respublikasi tashqi ishlar vazirligi jahon iqtisodiyoti va diplomatiya universiteti

Birinchi yo’nalish, mehnat omillarining iqtisodiy samaradorligini oshirish va kelajakda kam mehnat sig’imli texnologiyalarni mukammallashtirish.
Ikkinchi yo’nalish, iqtisodiy jarayonda qo’shimcha mehnat resurslarini, ayollar va qari erkaklarning mehnatidan foydalanish imkoniyatini yaratuvchi texnika va texnologiyalarni yaratish.
Uchinchi yo’nalish, qarib borayotgan jamiyat muammosiga yechim topish. Yaponiya uchun ham boshqa bir qator rivojlangan mamlakatalr uchun ham asosiy, ahamiyatli muammo bo’lib kelmoqda.
To’rtinchi yo’nalish, uzoq yashovchilar uchun ularning qariligini osonlashtiruvchi va ularga yordam beruvchi har xil vositalarni o’ylab topish.
Yaponiya hukumati mamlakatning iqtisodiy kelajagini nanotexnologiyalar-ning rivojlanishida ko'radi. Nanotexnologiya - kichik hajmdagi mashinalar yaratish uchun moddaning molekulyar va atom darajasida manipulyatsiyasi, o'zgartirilishidir. Bu mashinalar elektronika, biotexnologiya va tibbiyot sohasida muhim ahamiyatga ega. Kichik mashinalar inson tanasiga kiritilib unda kasallikka qarshi kurashishdan tortib, yer osti konlarida qazib chiqarish bilan shug’ullanishgacha foydalanilishi mumkin.³²
Hozirda nanotexnologiya bo'yicha ITTKI ga dunyo bo'yicha xarajatlar har yili 10-15% ga oshmoqda. Birgina 2005 yilning o'zida 9 mlrd. AQSH dollariga yaqin investitsiyalar ushbu sohaga yo'naltirilgan bo'lsa, 4,36 mlrd. AQSH dollari hususiy kompaniyalar hissasiga to'g’ri kelgan. Nanotexnologiyalar sotuvida esa 2007-yilda jahonda 50 mlrd. AQSH dollarini tashkil qilgan bo’lsa, 2015-yilga kelib, mutaxassislarning kuzatuvicha 2 trln. AQSH dollariga yetishi taxmin qilinmoqda.³³ Dunyoda 14ta mamlakat nanotexnologiya rivojlanishiga yirik sarmoyalar kiritib, asosiylaridan biri bo'lgan Yaponiya 2001 yildan boshlab 1 mlrd. AQSH dollari miqdorida davlat mablag’ini ushbu sohaga yo'naltiradi. 2010-yilga kelib nanotexnologiyalarning milliy iqtisodiyotga ta'siri qariyb 300 mlrd.AQSH dollariga yetdi.³⁴
Hozirgi kunda, Yaponiyada 57 ta kompaniya naotexnologiyaga bog’liq biznes faoliyatini olib boradi. Bundan tashqari 68 ta nanotexnologiya va nonoilmiga bog’liq tadqiqot markazlari va birlashmalari mavjud. Quyidagi jadvalda Yaponiya Nanotexnologiya bilan shug’ullanuvchi kompaniyalarning tarmoqlari bo’yicha taqsimlanishini ko’rishimiz mumkin:
2.3.1.-jadval