Ўзбекистон республикаси соғЛИҚни сақлаш вазирлиги тошкент фармацевтика институти

ГСХ ишлатиладиган колонкалар ва термостатлар
Газхроматик таҳлиларда уч босқичдаги насадкали (сорбент билан тўлдириладиган) микронасадкали ва капилляр аналитик колонкалардан фойдаланилади. Колонкаларда моддалар аралашмалари алохида моддалар компонентларида ажралиш содир бўлади.
Насадкали колонкалар – энг кўп қўлланилади, улар шиша ёки металл (зангламайдиган пўлат, мис) найлардан иборат. Колонкалар кўпроқ U – симон, зигзагсимон, спиралсимон ёки айланма шаклларида бўлади. Насадкали колонкалар ички диаметри 3-10м гача, узунлиги эса 0.5-3 м гача, гохо 10-15 м гача бўлиши мумкин.
Микронасадкали колонкалар насадкалилардан фарқли ўлароқ ички диаметри кичик, яъни 0,6-1мм, узунлиги эса 20м гача бўлади. Колонка формаси моддаларни ажратиш эффективлилигига таъсир этмайди, шунинг учун улрг тўлдириш осон бўлган формалар берилади. Зангламас пўлатдан тайёрланган колонкалардан узуоқ муддат фойдаланилади, зангламаслиги туфайли сорбент билан тўлдиришдан аввал қўшимча тозалаш зарур эмас. Мис найчалардан колонкалар осон тайёрланади, аммо уларнинг ички найларини, оксид қопламалардан тозалаб, сўнг сорбент тўлдириш керак.
Металлар таъсиридан ўз холатини ўзгартирадиган моддалар таҳлилида шиша найли колонкалардан фойдаланилади. Капилляр колонкалар ички диаметри 0,3-0,5 мм ўлчамдаги шиша, зангоамас пўлат ёки мис найлардан иборат бўлиб, узунлиги 20-100 м гача гохо 200 м гача бўлиши мумкин. Бундай колонкаларнинг ички сатхига юпқа қатлам (0,2 мм) қўзғолмас суюқ фаза жойлаштирилади. Капилляр колонкалар учун энг яхши материал зангламайдиган пўлат ҳисобланади, чунки унинг ички сатхи силлиқлигига яхши таъминланади. Шиша найлар мўртлиги туфайли ишлатиш учун ноқулай ҳисобланади.
Термостатлар – Хромотографик колонкалар термостат камерасига жойлаштирилади ва зарур ҳароратгача иситилади. Хозирги замон хроматографларида иситишнинг турли усулларидан фойдаланилади. Иситилган ҳавони пуфлаш йўли билан иситилган суюқлик ёрдамида қайновчи суюқлик порлари ёрдамида колонкаларни ток билан иситилувчи металл стерженлар билан бириктириб иситиш каби.