Ўзбекистон Республикаси Соғлиқни сақлаш вазирининг

1.4.2.3. Учинчи қатор терапияси (жинсий олатни протезлаш) 
Агар фармакотерапия самарасиз бўлса ёки бемор узоқ муддатга муаммони ҳал 
қилишни афзал кўрса, жинсий олат протезларини жарроҳлик йўли билан имплантация 
қилиш масаласи кўриб чиқилади [229]. Протезларнинг 2 тури мавжуд: эгилувчан (ярим 
қаттиқ, механик, юмшоқ эгилувчан) ва шиширилувчи (икки ёки уч компонентли) [44, 115, 
230–232]. Кўпгина беморлар уч компонентли протезларни афзал кўришади, чунки улар 
«табиий» эрекцияга эришишга ёрдам беради. Уч компонентли шиширилувчи протезлар 
каверноз таналарнинг барча қисмини тўлдира олиши туфайли энг яхши ригидликни ва 
бўшашган ҳолатни таъминлайди. Бироқ, икки компонентли шиширилувчи протезлар 
ишончли танлов бўлиши мумкин, улар унча мураккаб бўлмаган механикага эга ва 
имплантация қилиш осонроқ. Ярим қаттиқ протез доимий барқарор эрекцияга эришишга 

---

240 
ёрдам беради ва тез-тез жинсий алоқада бўлган кекса беморларга мос келади [44, 115, 233, 
234]. Камчиликларга табиий эрекциянинг йўқлиги, кўзга ташланиши, жинсий олат 
узунлиги ва энининг камайиши киради [221, 233].Жинсий олат протезларини имплантация 
қилишнинг асосий 2 та кириш техникаси бор: пеноскротал ва инфрапубикал [230, 231, 
233, 234]. Пеноскротал кириш яхши визуализацияни таъминлайди, керак бўлганда дорзал 
нервларнинг зарарланишини олдини олиб жинсий олат оёқчаларининг проксимал 
қисмигача етиш ва кўз билан кўриб помпани ўрнатиш имконини беради. Шунга 
қарамасдан ушбу кириш усулида резервуар қов орқа соҳага кўрмасдан ўрнатилади ва бу 
кичик чаноқ бўшлиғида катта ҳажмли операциялар (айниқса радикал цистэктомия) 
ўтказган беморлар учун қийин бўлиши мумкин. Инфрапубикал кириш усулида резервуар 
кўрув назорати остида ўрнатилади, аммо помпани ўрнатиш дорзал нервларнинг 
зарарланиши билан мураккаблашиши мумкин. Қайта операциялар камроқ мувафаққиятли 
натижаларга олиб келади ва техника жиҳатидан мураккаб. Кўрсатмалардан қатъий назар 
туғри маслаҳат беришда ЭДни даволаш методлари орасида пенил протезларни ўрнатиш 
энг юқори қониқиш кўрсаткичларини беради (92–100% беморлар ва 91–95% шериклар) 
[44, 115, 230, 235–242]. РПЭдан сўнг, яхши прогнозли беморларда пенил протезлар ва эр-
каклар слинги ўрнатиш комбинацияланган операцияси исботланган самарадорликка, узоқ 
муддатли яхши натижаларга эга ва иккита муаммони ҳал қилиш имконини беради [44, 
115, 243–245]. Жинсий олат протезларини ўрнатган сўнг беморлар ва уларнинг шерик-
ларига психосексуал маслаҳат бериш жинсий фаоллик ва функцияни яхшилайди [246].