Ўзбекистон Республикаси Соғлиқни сақлаш вазирининг

10.5.4.6. Катетерли беморлар 
Доимий уретрал катетер, цистостома ёки нефростомаси бўлган беморларда доимо 
симптомсиз бактериурия ривожланади ва бундай ҳолларда антибактериал даволаш самара 
бермайди. Бу, шунингдек, симптомсиз бактериурияси бўлган ва узоқ вақтга сийдик найига 
стент жойлаштирилган беморларга тегишли [87]. Катетер билан боғлиқ бўлган 
бактериурияни мунтазам даволаш тавсия этилмайди. Батафсил тавсиялар учун катетер 
билан боғлиқ инфекциялар бўлимига қаранг. 
10.5.4.7. Катетер ўрнатиш/алмаштириш режалаштирилган симптомсиз 
бактериурия қайд этилган беморлар. 
Асоратланмаган доимий катетерни ўрнатиш/алмаштириш режалаштирилган 
беморларда симптомсиз бактериуриянинг ўзи хавф омили бўлиб ҳисобланмайди ва 
шунинг учун скрининглаш ёки даволанишни талаб қилмайди [88]. Аксинча, узоқ муддатга 
нефростомия ва сийдик найи стентини ўрнатиш/алмаштиришни режалаштиришда 

---

143 
симптомсиз бактериурия инфекцияли асоратлар хавфи омилидир [89]. Шу сабабли 
операциядан олдин бактериурияни скрининглаш ва даволаш тавсия этилади. 
10.5.4.8. Иммунтанқислик ва оғир ёндош касалликлари бор, кандидурия билан 
оғриган беморлар. 
Ушбу гуруҳларни алоҳида кўриб чиқиш керак, шунинг учун ҳар бир ҳолатда 
симптомсиз бактериурияни скрининглаш ва даволашнинг афзалликлари баҳоланиши 
керак. Симптомсиз кандидурия билан оғриган беморларда бир қатор ҳолатларда асосий 
касаллик ёки бузилиш бўлиши мумкин. Ёндош патологияси бўлмаган беморларда 
симптомсиз кандурияни даволаш тавсия этилмайди [90]. 
10.5.5. Урологик аралашувлардан олдин 
Сийдик йўлларига инвазиясиз диагностика ва даволаш амалиётлари учун 
симптомсиз бактериурия одатда хавф омили бўлиб ҳисобланмайди, шунинг учун 
скрининглаш ва даволаш тавсия этилмайди. Бошқа томондан, сийдик йўлларига 
инструментларни киритиш ва шиллиқ қаватининг яхлитлигини бузиш билан кечувчи 
операцияларда, хусусан эндоскопик аралашувлар вақтида бактериурия тасдиқланган хавф 
омили ҳисобланади. 
Иккита РКТ [91, 92] ва иккита проспектив рандомизацияланмаган тадқиқотлар [93, 
94] антибактериал даволашнинг таъсирини простата бези ёки қовуқ ўсимтасини 
трансуретрал резекция қилишдан олдин даволаш ўтказилмаган ҳолатлар билан 
таққосланган. Иккита РКТнинг мета-таҳлилига кўра, антибактериал даволаш симптомли 
СЙИ ҳолатлари сонини назорат қилинишига нисбатан статистик жиҳатдан сезиларли 
даражада камайтирган (ўртача ХН 0,20, 95% ИИ 0,05-0,86; n = 167). Худди шу 
текширувларда операциядан кейинги даврда фебрил ҳарорат ва септицемия 
кўрсаткичлари антибактериал даволаш олиб борилган гуруҳида паст бўлган. Орқа мия 
шикастланиши билан касалланган электив эндоурологик аралашувлар ўтказилган 
беморларни ўз ичига олган РКТда симптомсиз бактериурия борасида препаратнинг бир 
марталик дозаси ва операциядан олдин 3-5 кунлик даволаш курси ўртасида операциядан 
кейинги СЙИнинг пайдо бўлишида статистик жиҳатдан аҳамиятли фарқлар бўлмаган [95]. 
Шу сабабли бундай аралашувлардан олдин сийдикни озуқа мухитларига экиш 
амалга оширилиши керак ва агар симптомсиз бактериурия аниқланса, даволаш керак.