Ўзбекистон Республикаси Соғлиқни сақлаш вазирининг

10.5.6. Ортопедик операциялардан олдин 
Адабиётларда ўтказилган битта РКТ (n=471) ва битта кўп марказли когорт 
тадқиқотлар (n=303) маълумотлари нашр этилган, уларда симптомсиз бактериурияни 
даволаш ортопедик жарроҳликдан олдин даволаш ўтказилмаган ҳолатлар билан 
таққосланган (тос-сон бўғимини алмаштириш/гемиартропластика ёки тизза бўғимини 
тўлиқ алмаштириш) [96, 97]. Уларда сунъий бўғимларнинг инфекцияланишига нисбатан 
антибактериал даволаш самараси кўрсатилмаган (мос равишда 3,8 ва 0%; 3,9 ва 4,7%). 
Когорт текширувда жарроҳликдан кейинги даврда симптомли СЙИ билан касалланиш 
частотасида статистик жиҳатдан сезиларли фарқлар аниқланмаган (0,65 ва 2,7%) [97]. Шу 
сабабли, ортопедик операцияларни ўтказишдан олдин бактериурияни даволаш тавсия 
этилмайди. 

---

144 
10.5.7. Фармакологик даволаш 
Агар симптомсиз бактериурияни даволаш зарур бўлса, дори воситаларини танлаш 
ва даволаш давомийлиги беморнинг жинси, умумий ҳолати ва асоратловчи омилларнинг 
мавжудлигига қараб симптомли асоратланмаган ёки асоратланган СЙИ терапиясига тўғри 
келади. Даволаш экма натижаларига кўра, эмпирик бўлмаган тарзда олиб борилади. 
10.6. 
Кузатув 
Адабиётларда симптомсиз бактериурияни даволашдан кейинги кузатув ҳақида 
тадқиқотлар маълумотлари нашр этилмаган. 
Далилларнинг қисқача хулосаси ва симптомсиз бактериурия бўйича тавсиялар 
 
Далиллар бўйича хулоса 
ИД 
Қуйидаги ҳолатларда симптомсиз бактериурияни даволаш самара бермайди: 

хавф омиллари бўлмаган аёллар; 
3b 

яхши бошқарилувчи қандли диабетли беморлар; 
1b 

постменопаузал ёшдаги аёллар; 
1a 

қариялар уйларида яшовчи кекса аёллар; 
1a 

пастки сийдик йўллари функцияси бузилган ва/ёки реконструкциядан 
кейинги беморлар; 
2b 

буйрак трансплантациясидан кейинги беморлар; 
1a 

ортопедик операциялардан олдинги беморлар. 
1b 
Симптомсиз бактериурияни даволаш қайталанувчи СЙИ бўлган беморларга 
зарар келтиради.
1b 
Симптомсиз бактериурияни даволаш шиллиқ қавати бутунлиги бузилиши билан 
кечувчи урологик амалиётлардан олдин самарали. 
1a 
Адабиётларда келтирилган маълумотларнинг мета-таҳлилида ҳомиладор 
аёлларда симптомсиз бактериурияни даволаш самаралилиги кўрсатилган. Шу 
билан бирга, маълумотларнинг исботланганлик даражаси паст ва яқинда 
ўтказилган тадқиқотларда бир-бирига зид натижалар олинган.
1a