Ўзбекистон Республикаси Соғлиқни сақлаш вазирининг

10.5.4.4. Буйрак трансплантациясидан кейинги беморлар 
Икки РКТ ва иккита ретроспектив тадқиқотда буйрак трансплантациясидан 
кейинги беморларда антибактериал даволаш ва кузатув таъсирини таққосланган [78-81]. 
Иккита РКТнинг мета-таҳлилида антибактериал даволашнинг симптомли СЙИ (ХН 0,86, 
95% ИИ 0,51-1,45; n = 200) частотасини камайтириш самараси кўрсатилмаган. Иккита 
ретроспектив тадқиқот муаллифлари ҳам худди шундай хулосага келишган. Бундан 
ташқари, 24 ойгача бўлган вақт давомида олиб борилган кузатувларда симптомсиз 
бактериурия, трансплантатнинг йўқотилиши ёки буйрак функциясида ўзгаришлар билан 
фарқланишлар мавжуд эмас [78-81]. Ушбу маълумотларни ҳисобга олган ҳолда, буйрак 
трансплантациясидан кейинги беморларда симптомсиз бактериурияни даволаш тавсия 
этилмайди. 
10.5.4.5. 
Пастки 
сийдик 
йўллари 
функциясининг 
бузилиши 
ва/ёки 
реконструкциядан кейинги беморлар. 
Пастки сийдик йўллари функциясининг бузилиши (ПСЙФБ) бўлган беморларда 
(масалан, тарқоқ склероз, орқа миянинг шикастланиши сабабли гиперактив қовуқ, 
қовуқнинг янгитдан шаклланишидан ёки илеокистопластикадан кейин, тоза ўтказилган 
катетеризациялашда, ёнбош кондуит мавжудлиги, ортотопик қовуқ ва «қуруқ» уростома 
сабабли қовуқнинг тўлиқ бўшамаслиги) кўпинча микроорганизмлар томонидан 
колонизация қилиш ривожланади [82, 83].
Тадқиқотлар ушбу гуруҳдаги симптомсиз бактериурияни даволаш самарасини 
кўрсатмаган [84,85]. Бундан ташқари, спонтан тарзда симптомсиз бактериурияни 
ривожланмайдиган ПСЙФБ қайд этилган беморларда штаммлар билан атайлаб 
колонизация қилиш (
Escherichia coli
83972) симптомли қайталаниш ҳолатларига қарши 
ҳимоя таъсирига эга [84, 85]. Ушбу гуруҳдаги симптомсиз бактериурияни скрининглаш ва 
даволаш тавсия этилмайди. Қайталанувчи симптомли СЙИ ривожланишида (7-бўлимга 
қаранг) спонтан тарзда ривожланаётган симптомсиз бактериуриянинг пастки сийдик йўли 
инфекциясидан ҳимоя таъсирини ҳисобга олиш керак.