Ўзбекистон Республикаси Соғлиқни сақлаш вазирининг

10.4. 
Адабиётда келтирилган маълумотлар бўйича қисқача хулоса 
Ишчи гуруҳ томонидан 2000 йил январ ойидан 2019 йил ноябр ойигача тизимли 
адабиётлар шархи ўтказилган, унда 3582 та мақола топилиб, шундан 224 таси тўлиқ 
матнли таҳлил учун танланган ва 50 таси якуний ҳужжатга киритилган [31]. Тизимли 

---

139 
шархга қуйидаги кичик гуруҳлар киритилмаган: иммунитет танқислиги, кандидурия, 
сийдик чиқариш пастки йўллари функционал бузилишлари бўлган ва/ёки реконструция 
қилинганидан кейин ва доимий катетер қўйилган беморлар. Беморларнинг ушбу кичик 
гуруҳлари учун кўрсатмалар PubMed маълумотлар базасида структуравий қидирув йўли 
билан янгиланган. 
10.5. 
Даволаш 
10.5.1. Хавф омиллари аниқланмаган беморлар 
Симптомсиз бактериурия буйрак касаллигини ёки зараланишини келтириб 
чиқармайди [32]. Фақат битта проспектив рандомизацияланмаган текширувда қандли 
диабет бўлмаган катта ёшдаги ҳомиладор бўлмаган аёлларда симптомсиз 
бактериуриянинг таъсири ўрганиб чиқилган [33] ва симптомли СЙИ билан касалланиш 
частотасида фарқлар аниқланмаган. Бундан ташқари, юқори хавфга эга бўлган гуруҳларда 
симптомсиз бактериурияни даволаш талаб қилинмаганлиги сабабли, ишчи гуруҳ ушбу 
кичик гуруҳларнинг натижаларини хавф омиллари аниқланмаган беморларга 
экстраполяция қилиниши мумкинлиги тўғрисида келишувга эришди. Шундай қилиб, хавф 
омиллари бўлмаган беморларда симптомсиз бактериурияни скрининглаш ва даволаш 
тавсия этилмайди. 
10.5.2. Қўшимча патологик ўзгаришлари бўлмаган симптомсиз бактериурия 
ва қайталанувчи СЙИ билан касалланган беморлар. 
РКТда симптомсиз бактериурияни даволашнинг таъсирини қайталанувчи СЙИ 
билан касалланган, хавф омиллари аниқламаган аёлларда ўрганилган [25]. Натижалар 
шуни кўрсатадики, симптомсиз бактериурияни даволаш даволанмаган беморларга 
нисбатан СЙИ симптомли эпизодининг кейинги ривожланиш хавфини оширади (ХН 0,28, 
95%, ИИ 0,21-0,38; 673 бемор). Спонтан тарзда ривожланаётган симптомсиз 
бактериуриянинг ушбу ҳимоя таъсирини қайталанувчи симптомли СЙИ бўлган аёлларда 
профилактика қилишда қўллаш мумкин. Шу сабабли, симптомсиз бактериурияни даволаш 
тавсия этилмайди.