Ўзбекистон Республикаси Соғлиқни сақлаш вазирининг

10.5.3. Ҳомиладор аёллар 
10.5.3.1. Ҳомиладор аёлларда симптомсиз бактериурияни даволаш самарали 
бўладими? 
12 та рандомизацияланган тақдиқотда симптомсиз бактериуриянинг антибактериал 
даволашни плацебо-назорати ёки кузатуви [34-45] билан ҳар хил дозалар ва режимлар 
ёрдамида таққосланди. 10 та тадқиқот натижалари 1988 йилгача нашр этилган, бошқа 
бири эса 2015 йилда. 11 та РКТ (n = 2002) симптомли СЙИ кўрсаткичларини тавсифлайди 
[34, 36-44]. Антибактериал даволаш плацебо-назорати ёки кузатуви билан таққослаганда 
симптомли СЙИ сонини статистик жиҳатдан сезиларли даражада камайтирган (ўртача ХН 
0,22, 95% ИИ 0,12-0,40). 
Олтита РКТ бактериуриянинг йўқотилиши тўғрисида маълумот беради [34-36, 38, 
41, 43]. Антибактериал даволаш плацебо билан солиштирганда бактериурияни йўқ 
қилишда самаралидир (ўртача ХН 2.99, 95% ИИ 1.65-5.39; n = 716). Саккизта РКТда 
чақалоқларнинг кичик вазни билан туғилиш кўрсаткичлари тавсифланган [34, 36-39, 42, 
45, 46]. Антибактериал даволаш плацебо ёки кузатув билан таққослаганда хавфни 

---

140 
камайтиради (ўртача ХН 0.58, 95% ИИ 0.36-0.94; n = 1689). Тўртта РКТда муддатдан 
олдин эрта туғиш кўрсаткичлари тавсифланган [42, 43, 45, 46]. Антибактериал даволаш 
плацебо ёки кузатув билан таққослаганда хавфни камайтиради (ўртача ХН 0.34, 95% ИИ 
0.18-0.66; n = 854). 
Ҳомиладор аёлнинг антибактериал даволашнинг онага ва ҳомилага фойдали 
таъсирини ҳисобга олиб, ушбу популяцияда симптомсиз бактериурияни скрининглаш ва 
даволаш керак. Шу билан бирга, ишчи гуруҳ нашр этилган тадқиқотларнинг аксарияти 
паст услубий сифатга эга эканлигини ва улар 1960 ва 1980 йилларда ўтказилганлигини 
таъкидлаб ўтади. Ўша вақтдан буён ташхислаш ва даволаш баённомалари ва тиббий 
хизматларнинг оммавийлиги сезиларли даражада ўзгарди; шунинг учун ушбу тавсия паст 
сифатли маълумотларга асосланган. Яхши услубий сифатга эга бўлган янги тадқиқотларда 
антибактериал даволашнинг устунлиги унчалик аниқ эмас [46].