Ўзбекистон Республикаси Соғлиқни сақлаш вазирининг

3.15.2. Консерватив даволаш 
Болаларда СТКни консерватив даволаш бўйича адабиётларда маълумотлар йўқ. 
Сийдик найи 
тошлари 
бўйича 
маълумотлар 
ЛКТга 
бағишланган 
плацебо 
тадқиқотларидаги гуруҳлардан, буйрак тошлари бўйича эса бирламчи тошларга ёки ДЛТ, 
РИРЖ ёки ТОНЛТдан кейин резидуал фрагментларга бағишланган кичик когорт 
тадқиқотлар натижаларидан олинган. Буйрак пастки қутбининг ягона симптомларсиз 
тошларида, ўз-ўзидан тош тушиши кўрсаткичларининг юқори даражасида, айниқса 
7 мм гача бўлган ўлчамдаги ва струвит ва цистиндан ташкил топмаган тошларда, 
анатомик бузилишлар мавжуд бўлмаган ҳолатларда динамик кузатув олиб бориш мумкин. 
Жарроҳлик йўли билан даволаш ҳар қандай ўлчамдаги ва жойдаги тошлар учун амалга 
оширилиши мумкин.
3.15.3. Литокинетик терапия 
Йўриқномадан ташқари (off-label) даволаш сифатида ЛКТ бўйича адабиётларда 
жуда кам тадқиқотлар мавжуд, уларда бир-бирига зид бўлган маълумотлар келтирилган. 
Ўтказилган 5 та тадқиқотнинг мета-таҳлили шуни кўрсатдики, адренергик α-блокаторлар 
(тамсулозин 0,2-0,4 мг/кун ва доксазозин 0,3 мг/кг/кун) ЛКТ учун самарали бўлиб, назорат 
гуруҳига нисбатан тошнинг мустақил тушиш эҳтимолини оширади (НХ = 2,7, р = 0,001), 
бунда даволаш билан боғлиқ ножўя таъсирларнинг статистик жиҳатдан сезиларли ошиши 
кузатилмайди (НХ = 2,01, р = 0,17) [208]. Плацебо назорати остидаги 6 та тадқиқотнинг 
янгиланган тизимли шархи шуни кўрсатдики, α-блокаторлар сийдик найининг дистал 
бўлимидаги тошларнинг тушиш частотасини оширади (НХ = 1,34, 95% ИИ 1,16-1,54; 
маълумотлар сифати паст) [209]. Тадқиқотларнинг чекланганлиги ва жиддий 
ноаниқликлар туфайли ЛКТнинг касалхонада бўлиш муддатига, буйрак санчиғи 
хуружлари сонига ёки жарроҳлик йўли билан даволашдан кейин резидуал фрагментларни 
олиб ташлаш учун иккиламчи аралашувларга таъсири тўғрисида хулоса чиқаришнинг 
имкони йўқ.