Ўзбекистон Республикаси Соғлиқни сақлаш вазирининг

Даволаш.
Нейроген қовуқли беморларда тошларни даволаш юқорида 
тавсифланган тартибда ўтказилади. Миеломенингоцеле билан оғриган беморларда 
латексга аллергия кўп учраб туради, шунинг учун профилактика чораларини кўриш керак 
[183]. Бундан ташқари, ушбу беморларга спинал анестезияни ўтказишнинг иложи йўқлиги 
сабабли ҳар қандай жарроҳлик аралашуви умумий анестезия остида ўтказилиши керак. 
Суяк деформациялари бор беморни жарроҳлик столига жойлаштириш қийин. Ирригацион 
баённомалар сенсорли бузилишларга эга бўлган ҳаракатлана олмайдиган беморларда 
аугментацион цистопластикадан кейин тошларнинг ҳосил бўлиш хавфини сезиларли 
даражада камайтириши мумкин [181]. 
Нейроген қовуқли беморларда тош шаклланишининг самарали узоқ муддатли 
профилактикаси учун метаболик касалликларни тузатиш, инфекцияни назорат қилиш ва 
тўплаш / бўшашишнинг нормал функциясини тиклаш керак. 
Далилларнинг қисқача хулосаси ва қовуқнинг нейроген дисфункцияси бўлган 
беморларда сийдик-тош касаллигини даволаш бўйича тавсиялар 
Далилларнинг қисқача хулосаси 
ИД 
Сийдик деривацияси бўйича жарроҳлик ўтказилган ва/ёки қовуқнинг нейроген 
дисфункцияси билан касалланган беморларда тош шаклланиши рецидиви 
хавфи юқори. 
3 
Тавсиялар 
ТД 
Миеломенингоцеле билан оғриган беморларда латексга аллергия кўп учраб 
туради, шунинг учун даволаш усулидан қатъий назар профилактика чораларини 
кўриш керак 
Сильная 
3.14.4. Трансплантация қилинган буйракдаги тошларни даволаш. 
Трансплантациядан кейин тошлар ҳосил бўлиши ёки улар трансплантатнинг ўзида 
ҳам бўлиши мумкин. Одатда, улар мунтазам УТТни ўтказишда аниқланади, ташхисда 
шубҳа туғилса, контрастсиз КТ бажарилади. 

---

60 
Этиология. 
Трансплантация қилинганидан сўнг, барча юклама битта буйракка 
тушади, шунинг учун уростаз/обструкцияни келтириб чиқарадиган ҳар қандай 
бузилишлар қайд этилганида дарҳол даволаш ёки дренажлаш зарур. Ушбу беморларда 
тош ҳосил бўлиши учун турли хил хавф омиллари мавжуд: 

иммуносупрессия инфекция хавфини оширади, бу эса СЙИнинг қайталанишига 
олиб келади; 

биокимёвий хавф омилларига гиперфильтрация, юқори даражадаги ишқорли 
сийдик, БКА ва узоқ муддатли учинчи даражали гиперпаратиреоз (ГПТ) оқибатида 
қонда кальций даражасининг ошиши ҳолатлари киради [184]. 
Буйрак аллотрансплантати бўлган беморларда СТК частотаси 1 фоизни ташкил 
қилади [185]. 
Даволаш.
Трансплантация қилинган буйракдаги буйрак тошларини даволаш 
тактикасини аниқлаш қийин клиник вазифадир, аммо унинг тамойиллари битта буйрак 
бўлганда қўлланиладиган даволашга ўхшаш. Тактика бевосита қўшимча омилларга, шу 
жумладан трансплантат функциясига, коагулопатияга ва ёнбош соҳасида буйрак 
жойлашишининг анатомик хусусиятларига боғлиқ. 
Сийдик найидаги тошлар ёки йирик тошлар учун тери орқали антеград УРСдан 
фойдаланиш афзалроқ. Эгилувчан, кичик диаметрли уретероскоплар ва гольмий 
лазернинг пайдо бўлиши билан уретероскопия буйраклардаги тошларни даволаш учун 
эътиборни жалб қиладиган даволаш усулига айланди. Бундай ҳолда, қўшни органларга 
зарар етказиш хавфи ҳақида эсдан чиқармаслик керак. Трансплантация қилинган буйракда 
ретроград кириш одатда қовуқ-сийдик найи анастомозининг олдинги қисмда жойлашуви 
ва сийдик найининг эгри чизиқли кўриниши туфайли қийин кечади [186-188].