Ўзбекистон Республикаси Соғлиқни сақлаш вазирининг

Тавсиялар 
ТД 
«Тошли йўлакча» туфайли юзага келган СЙИ/фебрил ҳароратда нефростомани 
ўрнатиш афзалдир.
Кучсиз 
Тошларнинг йирик парчалари мавжудлигида (СЙИ йўқлигида) «тошли 
йўлакча»ни даволаш учун ДЛТ ёки УРС тавия этилади. 
Кучсиз
 
3.13. 
Резидуал тошлар бўлган беморларни даволаш 
ДЛТ, УРС ёки ТОНЛТдан кейин қўшимча аралашувни талаб қиладиган 
тошларнинг резидуал фрагментлари сақланиб қолиши мумкин. Кўпгина тадқиқотлар 
шуни кўрсатадики, визуализациялаш операциядан кейинги кун ёки бир ҳафта ўтгач амалга 
оширилади. Аммо асоратларни келтириб чиқармасдан ўз-ўзидан тушадиган кичик 
парчалар билан боғлиқ ёлғон ижобий натижалар ортиқча даволашга олиб келиши мумкин 
ва шунинг учун визуализациялаш 4 ҳафтадан кейин тавсия этилади [170-172]. УТТ, 
рентгенография ва экскретатор урография билан таққослаганда, контрастсиз КТ сийдик 
найи ёки буйрак тошларини жарроҳлик йўли билан даволашдан сўнг кичик ўлчамли 
резидуал парчаларни аниқлашда юқори сезувчанликка эга. Шу билан бирга, КТда 
резидуал парчалар бўлган беморларнинг ярмидан кўпида тош билан боғлиқ тасвир юзага 
чиқмайди. Контрастсиз КТ қолдиқ парчаларини аниқлашда энг юқори сезувчанликка эга 
эканлиги аниқ, аммо бу клиник жиҳатдан аҳамиятсиз бўлган парчаларни аниқлаш ва 
умумий урография ва УТТ билан таққослаганда юқори дозада ионлаштирувчи нурланиш 
таъсири билан мувозанатлаштирилиши керак. Юқори тасдиқланганлик даражасига эга 
бўлган маълумотлар бўлмаса, кейинги текширувни ўтказиш вақти ва қўшимча 
аралашувлар зарурати даволовчи шифокорнинг ихтиёрига кўра белгиланади. 
«Инфекцион» тошларни даволашдан кейин резидуал парчалар бўлган беморларда 
қайталаниш хавфи бошқа таркибли тошлари бўлган беморларга қараганда юқори. Ҳар 
қандай таркибдаги тошлар билан беморларнинг 21-59% 5 йил ичида қайта даволанишга 
муҳтож бўлади. 5 мм дан катта ўлчамли фрагментлар мавжудлигида майда ўлчамли 
фрагментларга қараганда даволаш кўпроқ талаб қилинади [68, 173, 174]. Адабиётдаги 
маълумотларга кўра, ўлчамлари 2 мм дан катта бўлган парчалар ўсишга мойилдир, гарчи 
бу 1 йил ичида такрорий жарроҳликларнинг частотасини оширмаса ҳам [175].