Ўзбекистон Республикаси Соғлиқни сақлаш вазирининг

3.15.5. Эндоурологик операциялар 
Ригид/ ярим ригид УРС. 
Сўнгги йилларда сийдик найчасида тошлари бўлган 
болаларда УРС оммавийлашди. УРС самарадорлиги 81-98%, қайта аралашув частотаси 
6,3-10%, асоратлар эса 1,9-23% ташкил этади [214]. Катталар сингари, УРСдан олдин 
стентлаш зарур эмас. Шунга қарамай, у УРС ўтказилишини осонлаштиради, 
самарадорликни оширади ва асоратларни камайтиради.
 
Эгилувчан УРС. 
Эгилувчан УРС болаларда буйрак тошларини даволашнинг 
самарали усулига айланди. Яқинда чоп этилган тадқиқотларда самарадорлик 76-100%, 
қайта аралашув частотаси 0-19% ва асоратлар 0-28% ни ташкил этгани кўрсатилган [215, 
216]. Боланинг ёшлиги, цистин тошлари, катта ўлчамдаги тошлар ва жарроҳликдан олдин 
стент йўқлиги РИРЖ учун ноқулай омиллар бўлиб ҳисобланади [217].
 
Кучли тавсияларни бериш учун юқори тасдиқланганлик даражасидаги 
маълумотларнинг етишмаслигига қарамай, РИРЖ пастки косачадаги тошлар ва ДЛТ учун 
салбий омиллар мавжудлигида самарали усул бўлиб қолмоқда. 
Йирик ва мураккаб тошларда РИРЖ самарадорлиги ТОНЛТдан паст (71 ва 95%), 
аммо нурланиш юкламаси пастлиги, асоратларнинг частотаси ва касалхонада ётиш 
муддати бўйича устунликка эга [218]. 

---

64 
Шунингдек, ретроспектив маълумотлар шуни кўрсатадики, жарроҳликни ўтказиш 
вақти, нурланиш юкламаси ва касалхонада ётиш давомийлиги бўйича РИРЖнинг мини- 
ёки микроТОНЛТга нисбатан устунлиги паст [219]. 
ТОНЛТ.
Болаларда ТОНЛТ ўтказилиши учун кўрсатмалар катталарникига ўхшаш 
ва ДЛТ ёки РИРЖ самарасиз бўлганда 2 см дан катта ёки кичик ўлчамли тошларда 
бажарилади. Болаларда бир босқичли ТОНЛТ самарадорлиги 71,4-95%, умумий асорат 
даражаси 20% ташкил этади [218-220]. Гидронефроз даражаси, киришлар сони, жарроҳлик 
вақти ва кириш ўлчами қон йўқотиш ҳажмининг ошиши билан боғлиқ [221]. Беморнинг 
ёши ва тошнинг ўлчами қанчалик катта бўлса, ТОНЛТни ўтказишда шунча катта 
асбоблардан фойдаланилади. Эндоскопларни миниатюризациялаш пухта танланган 
беморларда дренажсиз ТОНЛТни ўтказишга имкон беради, бу эса касалхонада ётиш 
муддатини ва оғриқ синдромини камайтиради [222]. 
Адабиётларда ТОНЛТнинг болалардаги буйрак паренхимасига мумкин бўлган 
ножўя таъсири ҳақида хавотирлар сақланиб қолмоқда. Шу билан бирга, фокал зарар фақат 
5% ҳолларда тавсифланган [223]. ТОНЛТдан олдин ва кейин DMSA билан 
реноцинтиграфия ўтказиб, Cicekbilek ва унинг ҳаммуаллифлари кириш жойи ўлчами 12-24 
Ch гача бўлган болаларда буйрак паренхимасига сезиларли таъсир кўрсатмаслигини 
кўрсатдилар [224].