¤збекистон республикаси олий ва ¤рта махсус таълим вазирлиги

Баҳолаш натижалари

Тезкор эшитиш хотираси кўрсаткичи катта тўпламдан 6 та сўзни топиши учун кетган ўртача вақтга қараб аниқланади. Ўртача вақтни топиш учун бола топшириқни бажариш учун сарфлаган умумий вақтни 4 га бўлинади.

Ўртача вақтни хатолар сонига бўлиб, 1 ни қўшилса, оператив эшитиш хотираси ҳажми аниқланади. Нотўғри топилган ёки топа олинмаган сўзлар хато ҳисобланади.
7.4. «БЕВОСИТА ХОТИРАНИ ДИАГНОСТИКА ҚИЛИШ»

Методикани ўтказиш учун қоғоз ва ручка керак бўлади.

Тадқиқот ўтказишдан аввал болага қуйидагича кўрсатма берилади:
«Ҳозир мен сенга турли хил сўз ва гаплар айтаман ва бир тўхталиб оламан. Сен мана шу тўхталган вақтимда айтган сўз ёки гапларимни эслаб қолиб уни қоғозга ёзишинг, расмини чизишинг керак бўлади.
Тезроқ ёзишга, чизишга ҳаракат қилгин. Мен айтадиган сўзлар кўп, вақтимиз эса оз».
Болага бирин-кетин қуйидаги сўз ва иборалар айтиб берилади. «Уй, таёқ, дарахт, баландга сакраш, қуёш нур сочмоқда, қувноқ одам, болалар тўп ўйнашаяпти, соат тўхтаб қолди, қайиқ дарёда сузяпти, мушук балиқ емоқда».
Тадқиқотчи ҳар бир сўз ёки сўз бирикмаларини айтиб бўлгандан сўнг 20 секунд танаффус қилади. Шу вақт ичида бола айтилганларни ёзиши, чизиб олиши керак.
Агар бу вақт ичида бола топшириқни бажаришга улгурмаса, тадқиқотчи уни тўхтатиб қўйиб, навбатдаги сўзни ўқийди. Тажриба тугагандан сўнг, боладан қоғозга чизилган расм ёки ёзилган сўзлардан фойдаланиб, сўз ва сўз бирикмаларини айтиб бериши сўралади.


Натижалар таҳлили:

1 балл — ўз чизмалари ва ёзувларидан фойдаланиб, айтилган сўзларни тўғри ва хатосиз эсга тушира олса;

0,5 балл - чизгилари, ёзган нарсаларига асосланиб, берилган сўзга яқинлашиб эсга туширса;
0 балл - нотўғри эсга туширилса.
Умумий максимал кўрсаткич - 10 балл
Бу баллни бола барча айтилган сўзларни тўғри тўлиқ эсга туширса тўплай олиши мумкин.
Минимал кўрсаткич - 0 балл.


Ривожланиш даражаси ҳақида хулоса

10 балл - бевосита эшитиш хотираси жуда юқори даражада ривожланган.

8-9 балл - бевосита эшитиш хотираси юқори даражада ривожланган.
4-7 балл - бевосита эшитиш хотираси ўртача даражада ривожланган.
2-3 балл - паст даражада ривожланган.
0-1 балл - кучсиз ривожланган бевосита эшитиш хотирасига эга.