¤збекистон республикаси олий ва ¤рта махсус таълим вазирлиги

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
З. НИШАНОВА, З.ҚУРБОНОВА, С.АБДИЕВ,

ПСИХОДИАГНОСТИКА

ВА ЭКСПЕРИМЕНТАЛ ПСИХОЛОГИЯ

(ўқув қўлланма)

Ўзбекистон Республикаси Олий ва ўрта махсус таълим вазирлиги томонидан 5140800- педагогика ва психология бакалавриат таълим йўналиши талабалари учун ўқув қўлланма сифатида тавсия этилган.

“ТАФАККУР БЎСТОНИ”

ТОШКЕНТ – 2011

Психодиагностика ва экспериментал психология -ўқув қўлланма З.Нишанова, З.Қурбонова, С.Абдиев, Ўзбекистон Республикаси Олий ва ўрта махсус таълим вазирлиги, Т.”Тафаккур бўстони”.2011.

Ўқув қўлланмада мактабгача ва кичик мактаб ёшидаги болалар ҳамда катталарни психологик текшириш методикалари баён этилган. Диққат, хотира, тафаккур, нутқ, хаёл ва шахс хусусиятларини ўрганишнинг хорижий тестлари, методикалари ўзбек болаларига мослаштирилган ҳолда берилган. Психологлар, ўқитувчилар, педагогик коллеж ўқитувчилари ҳамда педагогика-психология таълим йўналиши (5140800) талабаларига мўлжалланган.

Тақризчилар: ТДПУ психология кафедраси мудири, психология фанлари номзоди Н.Г.Камилова
ТВХТХМОҚТИ маънавий ишлар бўйича проректори, психология фанлари номзоди С.М.Тўйчиева

1. ПСИХОДИАГНОСТИКА ПРЕДМЕТИ, МАҚСАДИ, ВАЗИФАЛАРИ

Болалар боғчасидаги, мактаблардаги ўқув-тарбия жараёни болаларнинг қобилияти ва лаёқатларини ҳар томонлама ривожлантиришга, улар шахсини шакллантиришга қаратилган. Педагогик жараённинг маҳсулдорлиги педагогнинг ўз ўқувчиларини яхши билишига, таълим ва тарбиянинг хилма-хил методларини қўллашига боғлиқ.

Албатта, педагогика фан сифатида тарбиячига педагогик психология соҳасидаги тайёр «рецептларни» бера олмайди. Бундай кўникмалар болалар билан бевосита мулоқот жараёнида, улар хулқ-атворининг мотивларини, ҳиссий-шахсий хусусиятларини таҳлил қилиш жараёнида эгалланади. Бу ҳақида машҳур рус педагоги К.Д.Ушинский қуйидагича ёзган эди: «Биз ўқитувчиларга ундай ёки бундай қилинг, деб тушунча бермаймиз. Биз уларга: Сиз бошқармоқчи бўлган психик ҳодисаларнинг қонуниятларини ўрганинг ва уларга мос равишда ҳаракат қилинг», - деймиз.