Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Экиш усуллари ва муддати. Ўзбекистонда бошпиёз уч муддатда: эрта баҳорда, қишда (“тўқсонбости”) ва ёзкузги қилиб экилади. Эрта баҳорда экиш кенг тарқалган бўлиб, у далага чиқиш имконияти пайдо бўлган заҳоти – феврал охири ва мартнинг бошларида бошланади. Экиш кечикиб кетганда ниҳол сийрак униб чиқиб, маҳсулотдорлик камаяди. Баҳорги пиёз одатда, сентабрларда пишиб етилади ва қиш давомида яхши сақланади. Шунинг учун қишда сақлаш учун фойдаланилади.
Кечки экиш доимий совуқ кунлар бошланишидан олдин ноябрнинг охирлари ҳамда декабрнинг бошларида амалга оширилади. Уруғ қишда унмайди, эрта баҳорда кунлар исий бошлагандагина кўкариб чиқади. Агар жуда ҳам эрта экиб юборилса, қишнинг илиқ кунларида ҳам униб чиқиб, совуқ уриб кетиши мумкин. Шу боисдан қиш олдидан экишга унчалик ишониб бўлмайди. Қиш олдидан экилган пиёз августда пишиб, баҳорги муддатда экилганига нисбатан 10-15% кўп маҳсулот беради.
Ёзгикузги экин августсентабрда экилади. Августда экилган пиёз октабрноябрдаёқ яганаланади ва кўк барра пиёз маҳсулоти олинади. Март ойида эса такрорий сийраклаштириш ўтказилиб, иккинчи кўкпиёз маҳсулоти олинади, июнда эса пишиб етилмаган боши йиғиштирилади. Пиёз сентабрнинг биринчи ярмида эилганда кузда 8-10 см га етади. У чинбаргга ҳамда яхши ривожланган илдиз тизимига эга бўлади, қишни яхши ўтказади. Экиш бундан анча кечикканда ҳам пиёз кузда униб чиқишга чиқади-ю, бироқ ниҳоли ёмон тутиб, кўпинча совуқда ҳалок бўлади. Кузги пиёз кучли даражада ўзаклайди, боши сақлаш пайтида чириб чиқитга чиқиб кетади, шу боисдан қишга сақлашга ярамайди.
Пиёз СКОН-4,2 маркали сеялкасида экилади. Экиш пайтида бошқа сабзавот ёки дон экувчи сеялкаларни ҳам ишлатиш мумкин.
Уруғни экиш миқдори баҳорги экинда гектарига 10-12 кг, ёзгикузги ва қиш олдидан экилганда эса 14-16 кг. Экиш пайтида уруғ 2-3 см чуқурликка ташланади. Яхши текисланган, бегона ўтлардан яхшилаб тозаланган далаларда қатор оралиғи 20-30 см қилиб тор қторлаб экиш ҳам мумкин. Суғориш майда олинган эгатлар ёки бостириб суғориш орқали амалга оширилади. Майдон бирлигига кўп миқдорда ўсимлик тўғри келиши, тез-тез суғориш ҳамда юқори миқдорда ўғит берилиши туфайли мазкур экиш усулида юқори пиёз маҳсулоти етиштирилади.
Одатда, пиёзнинг уруғи қуруқ ҳолида экилади.